ఆస్ట్రేలియన్ ఓపెన్ టైటిల్ ఫేవరేట్గా బరిలో దిగిన సెర్బియన్ టెన్నిస్ స్టార్ ప్లేయర్ నొవాక్ జకోవిచ్.. టోర్నీలో కొనసాగేది అనుమానంగానే మారింది. యూఎస్ ఆటగాడు టేలర్ ఫ్రిట్జ్తో.. శుక్రవారం రాత్రి జరిగిన మూడో రౌండ్ సందర్భంగా.. ఆట మధ్యలో గాయపడ్డాడు జకోవిచ్.
మొదటి రెండు సెట్లు ప్రత్యర్థిపై ఆధిక్యత ప్రదర్శించిన ఈ స్టార్ ఆటగాడు.. కండరాలు పట్టేయడం వల్ల తర్వాతి రెండు సెట్లు కోల్పోయాడు. విరామం తీసుకుంటూ ఆడిన నొవాక్.. చివరికి ఐదో సెట్లో విజయం సాధించాడు.
7-6(1), 6-4, 3-6, 4-6, 6-2 తేడాతో ఫ్రిట్జ్పై గెలుపొందిన జకోవిచ్.. తన తదుపరి మ్యాచ్ను మిలోస్ రోనిక్తో తలపడాల్సి ఉంది.
ఇదీ చదవండి: ఎదురుచూపులకు తెర.. స్టేడియం కళకళ
