ఆరోసారి నిరాశే.. క్వాలిఫయర్స్​లో అంకిత ఓటమి

ఆస్ట్రేలియన్​ ఓపెన్​లో అడుగుపెట్టేందుకు చేసిన ఆరో ప్రయత్నంలోనూ భారత టెన్నిస్​ క్రీడాకారిణి అంకిత రైనాకు విఫలమైంది. బుధవారం జరిగిన క్వాలిఫయిర్స్​ ఫైనల్​ రౌండ్​లో ఓల్గా డానిలోవిచ్​ (సెర్బియా) చేతితో పరాజయం పాలైంది.

గ్రాండ్‌స్లామ్‌ టోర్నీ సింగిల్స్‌ మెయిన్‌ డ్రాలో అడుగు పెట్టేందుకు చేసిన ఆరో ప్రయత్నంలోనూ అంకిత రైనా విఫలమైంది. ఆస్ట్రేలియన్‌ ఓపెన్‌ క్వాలిఫయర్స్‌ ఆఖరి రౌండ్లో ఆమెకు ఓటమి ఎదురైంది.

బుధవారం మూడు సెట్ల పోరులో అంకిత 2-6, 6-3, 1-6తో ఓల్గా డానిలోవిచ్‌ (సెర్బియా) చేతిలో పరాజయంపాలైంది. ఈసారి ఆస్ట్రేలియన్‌ ఓపెన్‌ సింగిల్స్‌ విభాగంలో భారత్‌ నుంచి సుమిత్‌ నాగల్‌ మాత్రమే పోటీపడనున్నాడు. పురుషుల విభాగంలో అతడికి వైల్డ్‌కార్డు లభించింది.

ఇదీ చూడండి: ఆస్ట్రేలియన్​ ఓపెన్​ క్వాలిఫయర్స్​: ఫైనల్​ రౌండ్​కు అంకిత