అద్వితీయ ప్రదర్శనతో టీ20 ప్రపంచకప్లో ఫైనల్లో(t20 world cup 2021 final) ప్రవేశించింది న్యూజిలాండ్. ఈసారి ఎలాగైనా టైటిల్ గెలవాలన్న పట్టుదలతో ఉంది. ఈ సమయంలో ఈ జట్టుకు గట్టి ఎదురుదెబ్బ తగిలింది. కివీస్ వికెట్ కీపర్, బ్యాటర్ డెవాన్ కాన్వే(devon conway injury) గాయం కారణంగా మెగాటోర్నీ ఫైనల్కు దూరమయ్యాడు. అలాగే నవంబర్ 17 నుంచి జరగబోయే టీమ్ఇండియాతో టీ20 సిరీస్(ind vs nz t20 series)కూ అందుబాటులో ఉండట్లేదు.
చిన్న తప్పిదం..
ఇంగ్లాండ్తో జరిగిన సెమీఫైనల్ మ్యాచ్(ind vs nz t20)లో అద్భుత బ్యాటింగ్తో అదరగొట్టాడు కాన్వే(devon conway injury). 38 బంతుల్లో 46 పరుగులు చేసి జట్టు విజయంలో కీలకపాత్ర పోషించాడు. కాగా, ఈ మ్యాచ్లో ఔటయ్యాక అసంతృప్తితో పిడికిలితో బ్యాట్ను బలంగా బాదాడు. ఈ సమయంలోనే ఇతడి చేతివేలుకు గాయమైంది. స్కానింగ్ చేసుకోగా చిటికిన వేలు విరిగినట్లు నిర్ధరణ అయింది. దీంతో కొంతకాలం పాటు అతడికి విశ్రాంతి అవసరమని సూచించారు వైద్యులు. ఔటయ్యాననే చిన్న అసంతృప్తితో చేసిన తప్పిదం ఇప్పుడు కీలక ఫైనల్ పోరుతో పాటు టీమ్ఇండియాతో టీ20 సిరీస్కు అతడు అందుబాటులో లేకుండా చేసింది.
టీ20 ప్రపంచకప్(t20 world cup 2021)లో గాయపడిన రెండో న్యూజిలాండ్ ఆటగాడు కాన్వే(devon conway injury). ఇంతకుముందు ఈ జట్టు ఆల్రౌండర్ లూకీ పెర్గుసన్(lucky ferguson injury) పాకిస్థాన్తో జరిగిన మ్యాచ్ సమయంలో గాయపడటం వల్ల టోర్నీకి దూరమయ్యాడు.
