టీ20 ప్రపంచకప్లో భాగంగా శనివారం జరిగిన మ్యాచ్లో ఆస్ట్రేలియా.. వెస్టిండీస్పై ఘనవిజయం సాధించింది. విండీస్ నిర్దేశించిన 158 పరుగుల లక్ష్యాన్ని 16.2 ఓవర్లలోనే ఛేదించింది. డేవిడ్ వార్నర్ (89), మిచెల్ మార్ష్ (53) అర్ధ శతకాలు చేశారు. విండీస్ బౌలర్లలో హోసెయిన్, గేల్ తలో వికెట్ తీశారు.
తొలుత టాస్ ఓడి బ్యాటింగ్కు దిగిన విండీస్.. హేజిల్వుడ్ దెబ్బకు నిర్ణీత 20 ఓవర్లలో 7 వికెట్లు కోల్పోయి 157 పరుగులు చేసింది. కీరన్ పొలార్డ్ (44) రాణించాడు. ఎవిన్ లూయిస్ (29), హెట్మెయిర్ (27) ఫర్వాలేదనిపించారు. ఆఖర్లో రసెల్ (18) మెరిశాడు. ఆసీస్ బౌలర్లలో హేజిల్వుడ్ 4 వికెట్లు, కమిన్స్, జంపా, స్టార్క్ తలో వికెట్ పడగొట్టారు.
