పోలండ్ కీస్ వేదికగా జరుగుతున్న యూత్ వరల్డ్ బాక్సింగ్ ఛాంపియన్షిప్ పోటీల్లో భారత బాక్సర్లు ఆకట్టుకున్నారు. ఆసియా వెండి పతక విజేత అంకిత్ నర్వాల్(64 కేజీ), మనీష్(75 కేజీ) ప్రి-క్వార్టర్ ఫైనల్స్కు అర్హత సాధించారు.
ఇదీ చదవండి: బోణీ కోసం హైదరాబాద్.. ఆత్మవిశ్వాసంతో ముంబయి
ఉజ్బెకిస్థాన్ బాక్సర్ అఖ్మదోవ్పై 5-0 తేడాతో విజయం సాధించాడు అంకిత్. తన తదుపరి రౌండ్లో పోలండ్ బాక్సర్ ఒలివీర్తో తలపడనున్నాడు. మరో బాక్సర్ మనీష్.. ఇజ్రాయెల్ బాక్సర్ డానియల్పై 4-1తో గెలుపొందాడు. తన తర్వాతి మ్యాచ్లో జోర్డాన్కు చెందిన అబ్దల్లా అలారగ్తో అమీతుమీ తేల్చుకోనున్నాడు.
ఇక 91+ కేజీల విభాగంలో భారత బాక్సర్ జుగ్నూ పరాజయం చెందాడు. హంగేరీ బాక్సర్ లీవెంట్ కిస్పై ఓడిపోయాడు.
ఇదీ చదవండి: నట్టూకు బీసీసీఐ కాంట్రాక్ట్ ఎందుకు దక్కలేదంటే?
