Uber cup 2022: ఉబెర్ కప్ గ్రూప్ పోటీల్లో రెండు వరుస విజయాలతో జోరుమీదున్న భారత్కు షాక్ తగిలింది. చివరి మ్యాచ్లో దక్షిణ కొరియా చేతిలో 5-0 తేడాతో భారత జట్టు ఓటమిపాలైంది. గ్రూప్ డీ ఆఖరు మ్యాచ్లో భారత దిగ్గజ షట్లర్, ప్రపంచ నెం.7 పీవీ సింధు.. అన్ సే యంగ్ చేతిలో 15-21, 14-21 తేడాతో వరుస సెట్లలో ఓడింది. 42 నిమిషాల పాటు సాగిన ఈ మ్యాచ్లో సింధుపై యంగ్ పూర్తి ఆధిపత్యం ప్రదర్శించింది.
Badminton uber cup 2022: రెండో మ్యాచ్లో మహిళల డబుల్స్ జోడి శృతి మిశ్ర, సిమ్రన్ సింఘ్రి.. సీ సో హీ షిన్, సుయెంగ్ చాన్ చేతిలో 13-21, 12-21 తేడాతో ఓడిపోయారు. మూడో మ్యాచ్లోనూ 10-21, 10-21 తేడాతో ఓటమి చవిచూశారు.
ఆ తర్వాత జరిగిన మ్యాచ్లో తనీష క్రాస్టో, ట్రీజ జోల్లీ జోడి కూడా కిమ్ హుయే జియాంగ్, కాంగ్ హీ యాంగ్ చేతిలో 14-21, 11-21తేడాతో ఓడింది. ఇక చివరి మ్యాచ్లో అష్మితా చాలిహా, సిమ్ యూ జిన్తో 18-21, 17-21 తేడాతో పోరాడి ఓడింది. దీంతో భారత్ 5-0 తేడాతో పరాభవం చవిచూసింది.
బ్యాంకాక్ వేదికగా జరగుతున్న ఉబెర్ కప్లో భారత జట్టు మొదటి రెండు మ్యాచుల్లో కెనడా, అమెరికాపై ఘన విజయం సాధించి ఇప్పటికే క్వార్టర్ ఫైనల్స్ చేరింది. గ్రూప్ దశలో నామమాత్రము చివరి మ్యాచ్లో మాత్రం ఓడిపోయింది.
ఇదీ చదవండి: IPL 2022: అన్‌క్యాప్డ్‌ ప్లేయర్స్.. ఈ సారి అద్భుతాలు సృష్టించారుగా!
