టోక్యో ఒలింపిక్స్కు(Tokyo Olympics) ముందు అథ్లెట్లు కరోనా బారిన పడటం నిర్వాహకులను కలవరపాటుకు గురిచేస్తోంది. మరో మూడు రోజుల్లో ఈ ప్రతిష్ఠాత్మక ఈవెంట్స్ జరగాల్సి ఉండగా.. తాజాగా మరో 9 మందికి కొవిడ్ నిర్ధరణ అయింది. దీంట్లో ఓ విదేశీ అథ్లెట్ కూడా ఉన్నాడు. దీంతో ఆటలకు సంబంధమున్న కేసుల సంఖ్య 67కు పెరిగింది. ఇందులో ఓ క్రీడాకారిణి ఒలింపిక్ క్రీడాగ్రామంలో ఉన్నట్లు తెలిసింది.
అంతకుముందు, మెక్సికోకు చెందిన ఇద్దరు బేస్ బాల్ ఆటగాళ్లకు కొవిడ్ సోకినట్లు తేలింది. టోక్యోకు బయలుదేరే ముందు వీరికి కరోనా పరీక్ష చేయగా వైరస్ నిర్ధరణ అయింది. ఈ విషయాన్ని మెక్సికో బేస్ బాల్ వర్గాలు ధ్రువీకరించాయి.
అమెరికా జిమ్నాస్ట్ క్రీడాకారిణికి కూడా కొవిడ్ సోకింది. ఆమె పేరు వెల్లడించలేదు. చిబాలో ప్రి టోక్యో ఒలింపిక్స్ శిక్షణ కార్యక్రమంలో ఆమె పాల్గొన్నట్లు తెలిసింది.
ఇదీ చదవండి: Olympics: షూటర్లు అదే దూకుడు కొనసాగిస్తారా?
