యోగాసనాలను ఇకపై క్రీడగా గుర్తిస్తూ నిర్ణయం తీసుకుంది భారత క్రీడా మంత్రిత్వశాఖ. ఈ విషయాన్ని గురువారం అధికారికంగా ప్రకటించింది. క్రీడాశాఖ మంత్రి కిరణ్ రిజిజు దీనికి అమోదం తెలిపారు. దీని వల్ల యోగాపై ప్రజల్లో అవగాహన పెరగడం సహా శారీరక, మానసిక ఆరోగ్యానికి తోడ్పడుతుందని వెల్లడించారు.
"యోగా క్రీడగా చాలా కాలం నుంచి ఉంది. అయితే ప్రస్తుతం దీన్ని గుర్తించిన భారత ప్రభుత్వం.. పోటీపడే స్పోర్ట్గా అధికారికం చేసింది. ఈరోజు చాలా మంచి రోజు. యోగాసనాలను పోటీ క్రీడగా ప్రారంభించాం. ఇది చాలా దూరం వెళుతుందని భావిస్తున్నా. యోగాసనాలు క్రీడగా ఆమోదం పొందిన తర్వాత జాతీయ యోగాసన క్రీడ సమాఖ్యకు ప్రభుత్వం నుంచి ఆర్థిక మద్దతు లభిస్తుంది."
- కిరణ్ రిజిజు, కేంద్ర క్రీడామంత్రి
అంతర్జాతీయ యోగా క్రీడా సమాఖ్యను గతేడాది నవంబరులో స్థాపించారు. దీనికి యోగాగురు బాబా రామ్దేవ్ అధ్యక్షునిగా, డాక్టర్ హెచ్ఆర్ నాగేంద్ర సెక్రటరీ జనరల్గా ఉన్నారు.
