Malaysia Masters 2022: రెండు సార్లు ఒలింపిక్ విజేత పీవీ సింధు మరోసారి సత్తా చాటింది. మలేసియా మాస్టర్స్‌ ప్రపంచ టూర్‌ సూపర్‌ 500 బ్యాడ్మింటన్ టోర్నీ క్వార్టర్‌ఫైనల్లోకి దూసుకెళ్లింది. కౌలాలంపుర్ వేదికగా గురువారం జరిగిన మహిళల సింగిల్స్ ప్రీక్వార్టర్స్‌లో సింధు.. 21-12, 21-10తో జాంగ్ యీ(చైనా)పై విజయం సాధించింది. ఈ మ్యాచ్ 28 నిమిషాల్లోనే ముగిసింది.
అంతకుముందు బుధవారం జరిగిన తొలి రౌండ్లో చైనాకు చెందిన హి బింగ్‌ జియావొపై సింధు గెలిచింది. 21-13,17-21,21-15 తేడాతో విజయం సాధించింది. మరోవైపు, పురుషుల సింగిల్స్లో తొలి రౌండ్లో గెలిచి.. రెండో రౌండ్ చేరుకున్న భారత షట్లర్ సాయి ప్రణీత్కు నిరాశ ఎదురైంది. చైనాకు చెందిన లీ షి ఫెంగ్ చేతిలో 14-21, 17-21 తేడాతో ఓటమి పాలయ్యాడు.
ఇదీ చదవండి: చివరి వింబుల్డన్లో సానియా ఓటమి.. మ్యాచ్లో ధోనీ, గావస్కర్ సందడి
