దుబాయ్ వేదికగా జరుగుతున్న 12వ ఫజ్జా ఇంటర్నేషనల్ పారా అథ్లెటిక్స్ గ్రాండ్ ప్రిక్స్ పోటీల్లో భారత అథ్లెట్లు సత్తా చాటుతున్నారు. రెండో రోజూ ఐదు మెడల్స్ సాధించారు. వాటిలో రెండు గోల్డ్ మెడల్స్ ఉన్నాయి.
మహిళల 100 మీటర్ల పరుగు పందెంలో సిమ్రాన్ యాదవ్ బంగారు పతకం సాధించింది. 12.74 సెకండ్లలోనే పరుగు పూర్తి చేసిన సిమ్రాన్కు ఇది అంతర్జాతీయంగా రెండో గోల్డ్ మెడల్. 2019లో ఆమె చైనా గ్రాండ్ ప్రిక్స్ గెలుపొందింది.
రెండేళ్ల తర్వాత అంతర్జాతీయంగా గోల్డ్ మెడల్ సాధించడం సంతోషంగా ఉందని సిమ్రాన్ యాదవ్ తెలిపింది. టోక్యో 2020 పారాలింపిక్స్లో.. తాజా రికార్డును బ్రేక్ చేయడమే లక్ష్యంగా పెట్టుకున్నట్లు ఆమె పేర్కొంది.
పురుషుల డిస్కస్ త్రో ఎఫ్55 పోటీల్లో నీరజ్ యాదవ్ 35.49 మీటర్లు విసిరి.. గోల్డ్ మెడల్ గెలుపొందాడు.
పురుషుల లాంగ్ జంప్ విభాగంలో ప్రవీణ్ కుమార్(5.95 మీ), ప్రదీప్(5.73మీ)లు రెండు, మూడు స్థానాల్లో నిలిచారు. మహిళల జావెలిన్ త్రో ఎఫ్34 పోటీల్లో భాగ్యశ్రీ మహవీర్ జాదవ్ కాంస్య పతకం గెలుచుకుంది.
ఇదీ చదవండి: 'జట్టు గురించే ఆలోచిస్తా.. విమర్శలు పట్టించుకోను'
