Nadal Australian Open: ఆస్ట్రేలియన్ ఓపెన్ పురుషుల సింగిల్స్లో రఫెల్ నాదల్ ఫైనల్కు చేరాడు. శుక్రవారం జరిగిన సెమీఫైనల్లో మాటియో బెరెటినితో (ఇటలీ) హోరాహోరీగా సాగిన పోరులో 6-3,6-2,3-6,6-3 తేడాతో నాదల్ విజయం సాధించాడు. ఫైనల్లోనూ గెలిస్తే రికార్డు స్థాయిలో 21వ గ్రాండ్స్లామ్ సింగిల్స్ టైటిల్ సొంతం చేసుకున్న ప్లేయర్గా చరిత్ర సృష్టిస్తాడు.
మరోవైపు రెండో సెమీస్లో టాప్ సీడ్ డేనియల్ మెద్వెదెవ్ విజయం సాధించాడు. స్టెఫనోస్ సిట్సిపాస్ను 7-6, 4-6, 6-4, 6-1 తేడాతో ఓడించి ఫైనల్స్లో అడుగుపెట్టాడు. ఆదివారం మెద్వెదెవ్, నాదల్ మధ్య ఆస్ట్రేలియన్ ఓపెన్ ఫైనల్ మ్యాచ్ జరగనుంది.
ఫెదరర్(స్విట్జర్లాండ్), జకోవిచ్(సెర్బియా) కూడా ప్రస్తుతం 20 గ్రాండ్స్లామ్ సింగిల్స్ టైటిల్స్తో ఉన్నారు. కరోనా వ్యాక్సినేషన్ తీసుకోని కారణంగా ఆస్ట్రేలియన్ ఓపెన్లో ఆడేందుకు జకోవిచ్కు అనుమతించలేదు ఆస్ట్రేలియా ప్రభుత్వం. దీంతో రఫెల్ నాదల్కు చరిత్ర సృష్టించేందుకు మార్గం సుగమమైంది.
ఇదీ చదవండి: ఆస్ట్రేలియన్ ఓపెన్ మిక్స్డ్ డబుల్స్ విజేతగా క్రిస్టినా-ఇవాన్
