ఒక్క రింగ్.. ఇద్దరు పోటీ దారులు. మ్యాచ్లో ఉన్న ఇద్దరు ప్లేయర్లకు చేతికి గ్లవ్స్ ధరించి ప్రత్యర్థుల పళ్లు రాలగొడుతామన్న కసి. పోటాపోటీగా జరిగే మ్యాచ్. ఆఖరికి విజయం మాత్రం ఒకరికే. ఇవి సాధారణ బాక్సింగ్ మ్యాచ్ల ప్రక్రియ. ఇందులో గెలిచిన వారికి కప్ దొరికితే.. ఓడిన వారికి మాత్రం దెబ్బలే మిగులుతాయి. దశాబ్దాల పాటు మనం ఇలాంటి మ్యాచ్లే చూస్తూ వచ్చాము. అయితే, భారత్లో బాక్సింగ్‌కు అంతగా ఆదరణ లేకపోయినా, ప్రపంచవ్యాప్తంగా ఈ గేమ్కు అభిమానుల సంఖ్య కోట్లలో ఉంది. ఇక మైక్ టైసన్, మహ్మద్ అలీ లాంటి దిగ్గజ ప్లేయర్లు రింగ్లో మెరుస్తుంటే చూసి మురిసిపోయిన అభిమానులు ఉన్నారు.
Most Expensive Boxing Fight : ఇప్పటి వరకు మీరు ఎన్నో బాక్సింగ్ మ్యాచ్లను చూసుందొచ్చు. కానీ ఇప్పుడు ప్రస్థావించబోయే మ్యాచ్ గురించి మీరు ఏ మాత్రం కనివిని ఎరుగుండరు. ఎందుకంటే ఇందులో గెలిచిన వారికి 1800 కోట్లు వరించింది. ఓడిన వారికి 1000 కోట్లు దక్కింది. ఇది విని మీరు కచ్చితంగా షాక్ అయ్యుంటారు. అయితే ఇటువంటి మ్యాచ్ నిజంగానే జరిగింది. అది కూడా 2015లో. అప్పట్లోనే సెన్సేషన్ సృష్టించిన ఈ మ్యాచ్ చరిత్రలో నిలిచిపోయింది.
floyd mayweather vs manny pacquiao : 2015లో ఫ్లాయిడ్ మేవెదర్- మానీ పాక్వియావో మధ్య జరిగిన ఆ మ్యాచ్ ఆద్యంతం ఎంతో ఉత్కంఠంగా సాగింది. ఎంతలా అంటే స్టేడియంలోని అన్ని సీట్ల టిక్కెట్లు కేవలం నిమిషంలోపే అమ్ముడుపోయాయి. అది కూడా వేల డాలర్లకు. దీంతో ఈ ఫైట్‌కి ఎంత క్రేజ్ వచ్చిందో ప్రత్యేకించి చెప్పనక్కర్లేదు. ఇందులో సాధారణ ప్రేక్షకుల కోసం నిర్వాహకులు కేవలం 500 టిక్కెట్లు మాత్రమే జారీ చేయగా.. దీని ధర $1500 నుండి $7500 వరకు పలికింది.
most expensive boxing match tickets : ఈ పోరాటాన్ని చూసేందుకు ప్రజలు బారులు తీరారు. యూఎస్లోని ఎంజీఎం గ్రాండ్ స్టేడియంలో ఈ మ్యాచ్ జరిగింది. సుమారు 16800 మంది ఆడియన్స్ కూర్చునే సామర్థ్యం కలిగిన ఈ గ్రౌండ్లో ఈ ఉత్కంఠ పోరు జరగడం అనేది మ్యాచ్కు మరో హైలైట్. ఇక దీని చివరి రౌండ్ 2015 మే 2 జరిగింది. ఇక మేవెదర్, పకియావోలు బరిలోకి దిగిన వెంటనే ఒకరిపై ఒకరు విరుచుకుపడ్డారు. ఇద్దరి మధ్య జరిగిన మ్యాచ్ ఓ భీకర యుద్ధాన్ని తలపించింది. ఇక 12 రౌండ్లు ముగిసే సమయానికి జడ్జీల ప్యానెల్.. ఫ్లాయిడ్ మేవెదర్‌ను మ్యాచ్ విజేతగా ప్రకటించాలని నిర్ణయించింది. అలా 18000 కోట్ల భారీ నజరానా ఈ అమెరికన్ బాక్సర్ను వరించింది.
