Sania Mirza Retirement: భారత స్టార్ టెన్నిస్ ప్లేయర్ సానియా మీర్జా.. ఈ సీజన్ తర్వాత ఆటకు వీడ్కోలు పలకబోతున్నట్లు ప్రకటించి అభిమానులను ఆశ్చర్యపరిచింది. అయితే ఇప్పుడు ఈ నిర్ణయంపై తాను పశ్చాత్తాప పడుతున్నట్లు వెల్లడించింది. నిర్ణయం సరైనదే అయినా ప్రకటించినా సమయం సరైనది కాదని, ఆ విషయంలో తొందరపడినట్లుగా భావిస్తున్నట్లు పేర్కొంది. ప్రస్తుతం అందరూ తన ఆట గురించి కాకుండా రిటైర్మెంట్ గురించే మాట్లాడుతున్నారని, అడుగుతున్నారని చెప్పింది.
"ఆఖరి సీజన్ అయినంత మాత్రాన నా ఆటలో, ఆలోచనా ధోరణిలో మార్పు ఉండదు. ప్రతి మ్యాచ్ గెలవాలనే లక్ష్యంతోనే బరిలో దిగతాను. ఫలితం ఎలా వచ్చినా ఆటను ఆస్వాదిస్తూనే 100 శాతం శ్రమిస్తాను. ఈ ఏడాది చివర్లో ఏం జరగబోతుందనే దాని గురించి అస్సలు ఆలోచించడం లేదు."
-సానియా మీర్జా, టెన్నిస్ ప్లేయర్.
ఆస్ట్రేలియన్ ఓపెన్లో భాగంగా మంగళవారం జరిగిన మిక్స్డ్ డబుల్స్ క్వార్టర్ఫైనల్ పోటీల్లో కుబ్లర్ జోడీ చేతిలో 6-4, 7-6 తేడాతో సానియా మీర్జా జోడీ ఓడిపోయింది. ఫలితంగా టోర్నీ నుంచి నిష్క్రమించింది.
సానియా.. తన కెరీర్లో ఆరు గ్రాండ్స్లామ్లు గెలిచింది. వీటిలో మూడు టైటిల్స్ మహిళల డబుల్స్ కాగా.. మరో మూడు మిక్స్డ్ డబుల్స్లో సాధించింది. 2003 నుంచి ఆడుతున్న ఈమె 2013 నుంచి సింగిల్స్ ఆడటం మానేసింది. అప్పటి నుంచి డబుల్స్ మాత్రమే ఆడుతోంది. అంతర్జాతీయంగా ఆమె 68వ ర్యాంక్‌లో కొనసాగుతోంది.
ఇదీ చూడండి:
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
