జీరో గ్రావిటీ అంటే గాలిలో తేలుతామన్న విషయం తెలిసిందే. అయితే ఇదే జీరో గ్రావిటీలో ఓ ఫుట్బాల్ టీమ్ మ్యాచ్ ఆడి గిన్నిస్ రికార్డుకెక్కింది. ఎలా అంటే.. ఔట్‌ ఆఫ్‌ వరల్డ్‌ పేరిట ఓ మ్యాచ్ నిర్వహించారు. అంటే దీని అర్థం ప్రపంచం బయట ఆడటం. ఇందులో భాగంగా ఏడుగురు ఆటగాళ్లను ప్రత్యేక విమానంలో సముద్ర మట్టానికి 6,166 మీటర్ల ఎత్తుకు పంపించారు. జీరో గ్రావిటీలోకి వెళ్లాకా విమానం లోపల ఏర్పాటు చేసిన 75 స్క్వేర్‌ మీటర్ల పిచ్‌పై మ్యాచ్ ఆడారు.
వీరిలో పోర్చుగీస్ స్టార్ ఫుట్బాలర్ లూయిస్ ఫిగో పాటు మిడిల్‌ఈస్ట్‌, యూరోప్‌, లాటిన్‌ అమెరికాలకు చెందిన మహిళా, పురుషుల ఫుట్‌బాలర్స్‌ పాల్గొన్నారు. ఈ ఏడుగురు రెండు జట్లుగా విడిపోయారు. రెడ్‌ టీమ్‌కు ఫిగో నాయకత్వం వహించగా.. టీమ్ ఎల్లోకు మరొకరు కెప్టెన్సీ వహించారు. దీనికి సంబంధించిన వీడియో వైరల్గా మారింది. ఈ వీడియోలో ఫిగో కొట్టిన గోల్ సోషల్‌ మీడియాలో వైరల్గా మారింది. ఈ మ్యాచ్లో రెడ్‌ టీమ్ 2-1 తేడాతో టీమ్ ఎల్లోపై విజయం సాధించింది. కాగా, జీరో గ్రావిటీలో తొలిసారి ఫుట్బాల్ మ్యాచ్ ఆడి గిన్నిస్ రికార్డులో ఈ ప్లేయర్స్ స్థానం సంపాదించారు.
- " class="align-text-top noRightClick twitterSection" data="">
ఇదీ చూడండి: మూడోసారి భారత్-పాక్ ఢీ.. మ్యాచ్కు రంగం సిద్ధం
