korea open badminton 2022 PV Sindhu: కొరియా ఓపెన్ బ్యాడ్మింటన్ ఛాంపియన్షిప్లో భారత స్టార్ బ్యాడ్మింటన్ క్రీడాకారిణి పీవీ సింధుకు నిరాశే ఎదురైంది. మంచి ఫామ్తో టైటిల్ వేట మొదలు పెట్టిన సింధుకు సెమీఫైనల్లో దక్షిణాఫ్రికాకు చెందిన రెండోసీడ్ క్రీడాకారిణి అన్ సెయంగ్(An Seyoung) షాక్ ఇచ్చింది. అన్ సెయంగ్ ధాటికి సింధు నిలువలేకపోయింది. రెండు వరుస సెట్లలో ఓటమితో కొరియా ఓపెన్ను ముగించింది.
నేడు(శనివారం) జరిగిన కొరియా ఓపెన్ సూపర్ 500 బ్యాడ్మింటన్ టోర్మమెంట్ సెమీఫైనల్లో దక్షిణాఫ్రికా క్రీడాకారిణి అన్ సెయంగ్తో సింధు తలపడింది. సుమారు 48 నిమిషాల పాటు సాగిన ఈ పోరులో వరుస సెట్లలో 14-21, 17-21 తేడాతో ఓటమిపాలైంది. దీంతో పతకం ఏమీ లేకుండానే ఇంటిబాట పట్టింది. సింధు.. అన్ సెయంగ్పై వరుసగా నాలుగోసారి ఓటమి చెందడం గమనార్హం.
శ్రీకాంత్ కూడా: మరోవైపు పురుషుల సింగిల్స్లో కిదాంబి శ్రీకాంత్ కూడా సెమీస్లో ఓడాడు. ఇండోనేసియాకు చెందిన జొనాథన్ క్రిస్టీ చేతిలో 21-19, 21-16 తేడాతో ఓడిపోయాడు. ఈ మ్యాచ్ సుమారు 50 నిమిషాల పాటు సాగింది. ఇంతకుముందు ఇద్దరూ తలో నాలుగు మ్యాచ్ల్లో నెగ్గగా.. ఇప్పుడు క్రిస్టీ శ్రీకాంత్పై పైచేయి సాధించాడు. గతనెలలో స్విస్ ఓపెన్లోనూ సెమీఫైనల్లో క్రిస్టీ చేతిలోనే ఓడి టోర్నీ నుంచి అవుటయ్యాడు కిదాంబి.
ఇదీ చూడండి: మరో టైటిల్ వేటలో దూసుకెళ్తున్న సింధు.. సెమీస్లో శ్రీకాంత్
