ఇంగ్లాండ్లోని బర్మింగ్హామ్ వేదికగా జరగనున్న 2022 కామన్వెల్త్ గేమ్స్ను బహిష్కరించాలనే ప్రతిపాదనపై భారత ఒలింపిక్ సంఘం(ఐఓఏ) యూటర్న్ తీసుకుంది. ఆ పోటీల్లో ప్రాతినిధ్యం వహించాలని సోమవారం జరిగిన సమావేశంలో నిర్ణయించింది.
అంతేకాకుండా 2026, 2030లో కామన్వెల్త్ క్రీడలకు ఆతిథ్యమిచ్చేందుకు బిడ్ వేయాలని ఐఓఏ నిర్ణయించింది. 2026 యూత్ ఒలింపిక్స్, 2032 ఒలింపిక్ గేమ్స్ను నిర్వహించేందుకు అభ్యర్థన పెట్టుకోవాలనే స్పష్టతకు వచ్చింది.
2020 టోక్యో ఒలింపిక్స్లో భారత్ నుంచి 150 మంది అథ్లెట్లు ప్రాతినిధ్యం వహించనున్నట్లు అధికారికంగా ప్రకటించింది. 2020లో జాతీయ క్రీడలను గోవా వేదికగా నిర్వహించాలనే నిర్ణయంతో సమావేశం ముగిసింది. అంతేకాకుండా 2023లో అంతర్జాతీయ ఒలింపిక్ కౌన్సిల్ అసోసియేషన్ సమావేశం భారత్లో జరగనుందని ప్రకటించింది.
2022 కామన్వెల్త్ క్రీడల్లో షూటింగ్ను తీసివేయాలనే నిర్ణయానికి వ్యతిరేకంగా.. ఆ పోటీల్లో పాల్గొనకూడదని క్రీడల మంత్రి కిరణ్ రిజిజుకు లేఖ రాశారు ఐఓఏ అధ్యక్షుడు నరీందర్ బాత్రా.
ఇదీ చదవండి: బట్టలేసుకొని బాడీ బిల్డింగ్ పోటీల్లో మహిళలు
