ఆస్ట్రేలియా మహిళలతో జరుగుతున్న చారిత్రక డేనైట్ టెస్టులో భారత మహిళా క్రికెటర్ స్మృతి మంధాన అరుదైన రికార్డును నెలకొల్పింది. ఈ పింక్ బాల్ టెస్టులో శతకం సాధించిన మొదటి భారత మహిళా క్రికెటర్గా నిలించింది. 216 బంతుల్లో 127 పరుగులు చేసి గార్డెనర్ బౌలింగ్లో ఔటయింది. ఇందులో 22 ఫోర్లు 1 సిక్సు ఉంది.
ఆఫ్ సైడ్లో భారీ షాట్లు కొట్టిన మంధాన.. ఆస్ట్రేలియా బౌలర్లను సమర్థవంతంగా ఎదుర్కొంటూ పరుగులు సాధించింది. గులాబి బంతితో ఆడడం ఇదే తొలిసారి అయినా గొప్ప పోరాట పటిమను ప్రదర్శించింది. మొదటి రోజు వర్షం అంతరాయం కలిగించినా పట్టుదలతో లక్ష్యాన్ని దాటింది. భారత్ ఇప్పటివరకు పింక్ బాల్తో ఆడిన సందర్భాలు లేవు. అందులోనూ కంగారూలతో ఆడటం పెద్ద సవాలు. వీటిని అదిగమించి స్మృతి మంధాన రాణించింది.
