మహిళల స్పీడ్ చెస్ ఛాంపియన్షిప్లో భారత గ్రాండ్మాస్టర్ ద్రోణవల్లి హారిక రన్నరప్గా నిలిచింది. శనివారం జరిగిన ఫైనల్లో హారిక 13-15 పాయింట్ల తేడాతో నాలుగుసార్లు ప్రపంచ ఛాంపియన్ హో ఇఫాన్(చైనా) చేతిలో ఓడింది. ఒక దశలో హారిక-ఇఫాన్ 13-13 పాయింట్లతో సమానంగా నిలిచారు. తర్వాత హారిక 13-10తో విజేతగా నిలిచేలా కనిపించింది. కానీ వరుసగా మూడు గేమ్లు గెలిచిన ఇఫాన్ స్కోరు సమం చేసింది. చివరి రెండు రౌండ్లలో ఆధిక్యాన్ని ప్రదర్శించిన ఈ చైనా వెటరన్ టైటిల్ సొంతం చేసుకుంది.
"ఫైనల్ పోరు జరుగుతుండగా ఇంటర్నెట్ అంతరాయం కలిగించడం వల్ల ఇబ్బందిపడ్డాను. అయితే పరాజయానికి ఇదే కారణాన్ని చెప్పదల్చుకోలేదు. ఇఫాన్ గొప్పగా ఆడింది. నేను చివరి వరకు పోరాడాను" అని హారిక తెలిపింది.
ఇదీ చదవండి: చదరంగంలో 'అతిపిన్న' అభిమన్యుడు
