Commonwealth games 2022: భారత్ పురుషుల హాకీ జట్టు అదరగొట్టింది. బర్మింగ్హోమ్ వేదికగా శనివారం దక్షిణాఫ్రికాతో జరిగిన మ్యాచ్లో 3-2 తేడాతో విజయం సాధించింది. ఈ గెలుపుతో కామన్వెల్త్ గేమ్స్ 2022 ఫైనల్కు చేరింది. ఇక మ్యాచ్ విషయానికి వస్తే తొలి క్వార్టర్‌లో ఇరుజట్లు గోల్ చేయలేకపోయాయి. అయితే రెండో క్వార్టర్‌ ఆరంభంలోనే అభిషేక్‌ గోల్ కొట్టడం వల్ల భారత్ ఆధిక్యం సంపాదించింది. ఆ తర్వాత మణ్దీప్‌ సింగ్‌ మరో గోల్తో మెరవడం వల్ల భారత్ 2-0తో పటిష్ఠ స్థితికి చేరింది.
ఇక మూడో క్వార్టర్‌లో దక్షిణాఫ్రికా తరపున రెయాన్‌ జూలిస్‌ గోల్ కొట్టాడు. దీంతో స్కోరు 2-1కి చేరుకోగా.. నాలుగో క్వార్టర్‌ మొదలైన రెండో నిమిషంలోనే డ్రాగ్‌ ఫ్లికర్‌ జుగ్‌రాజ్‌ గోల్ కొట్టడంతో భారత్ 3-1తో ఆధిక్యంలోకి వెళ్లింది. ఇక సౌతాఫ్రికా తరపున రెండో గోల్ నమోదు చేసింది. చివర్లో కాస్త ఉత్కంఠ నెలకొన్నప్పటికి భారత్ ప్రత్యర్థిని గోల్స్‌ చేయకుండా అడ్డుకొని ఫైనల్కు చేరింది.
ఇవీ చదవండి: రెజ్లింగ్లో పతకాల పంట.. మరో నలుగురికి గోల్డ్
