దిల్లీలో జరుగుతున్న ఐఎస్ఎస్ఎఫ్ షూటింగ్ ప్రపంచకప్లోని 10 మీటర్ల ఎయిర్ పిస్టోల్ విభాగంలో భారత మహిళల బృందం స్వర్ణం సాధించింది. ఇందులో మను బాకర్, యశస్విని దీస్వాల్, శ్రీ నివేదా పరమనాథన్ ఉన్నారు. ఆదివారం జరిగిన పోరులో పోలాండ్ బృందంపై గెలిచి ఈ పతకం చేజిక్కుంచుకుంది.
ఎయిర్ రైఫిల్ విభాగంలో ప్రతాప్ సింగ్ తోమర్, దీపక్ కుమార్, పంకజ్ కుమార్లతో కూడిన బృందం.. వెండి పతకం సాధించింది. మహిళల విభాగం కాంస్యం సొంతం చేసుకుంది.
పురుషుల విభాగంలోనూ..
10 మీటర్ల ఎయిర్ పిస్టోల్ విభాగంలో పురుషుల బృందం స్వర్ణం సాధించింది. ఈ బృందంలో సౌరభ్ చౌదరి, అభిషేక్ వర్మ, షాజార్ రిజ్వీ ఉన్నారు. వియత్నాం బృందంపై 17-11తో విజయం సాధించిన భారత్.. గోల్డ్మెడల్ను కైవసం చేసుకుంది.
ఇదీ చదవండి: 'రాహుల్ ఆడకపోవడం భారత్కు మంచిదైంది'
