ఏడు రాష్ట్రాల్లో 143 ఖేలో ఇండియా కేంద్రాలను నెలకొల్పాలని క్రీడా మంత్రిత్వ శాఖ నిర్ణయించింది. ఈ కేంద్రాల కోసం రూ.14.30 కోట్ల బడ్జెట్ను కేటాయించనున్నారు.
ప్రతి కేంద్రానికి ఒక ఆటను అప్పగించనున్నారు. మహారాష్ట్ర, మిజోరాం, గోవా, కర్ణాటక, మధ్యప్రదేశ్, అరుణాచల్ ప్రదేశ్, మణిపుర్లో ఈ సెంటర్లను నెలకొల్పనున్నారు. "2028 ఒలింపిక్స్లో భారత్ను టాప్-10 దేశాల్లో ఒకటిగా నిలబెట్టడమే లక్ష్యంగా ఖేలో ఇండియా కేంద్రాలను ఏర్పాటు చేస్తున్నాం. చిన్న వయసులోనే ప్రతిభావంతులను గుర్తించి వారిని ప్రోత్సహించడం వీటి ఉద్దేశం. నాణ్యమైన కోచ్లు, సౌకర్యాలు ఉండడం వల్ల జిల్లా స్థాయిలో క్రీడాకారులకు మేలు జరుగుతుంది" అని క్రీడా మంత్రి రిజిజు ట్వీట్ చేశారు.
ఇదీ చూడండి: బాక్సింగ్ పోటీలు: శివ థాపకు పతకం ఖాయం
