అగ్నిప్రమాదాన్ని దాటుకుని.. నాలుగు పతకాలు గెలిచి..

మధ్యప్రదేశ్​కు చెందిన విలువిద్య క్రీడాకారులు మృత్యువును జయించి మరీ జాతీయ స్థాయి పోటీల్లో సత్తా చాటారు. భారీ రైలు ప్రమాదం నుంచి బయటపడిన కొద్ది గంటల్లోనే పోటీల్లో పాల్గొని నాలుగు పతకాలు సాధించారు.

మధ్య ప్రదేశ్​కు చెందిన జూనియర్​ ఆర్చర్స్​ అసాధ్యాన్ని సుసాధ్యం చేశారు. నేషనల్​ ఛాంపియన్​షిప్​లో మూడు వెండి పతకాల్ని, ఒక రజతాన్ని సాధించారు. ఇవి సాధించడానికి ముందు వారికో పెద్ద ప్రమాదం ఎదురైంది.

దెహ్రాదూన్​లో జరిగే ఆర్చర్​ పోటీలలో పాల్గొనడానికి ఎనిమిది మంది జూనియర్​ ఆర్చర్స్​​.. శతాబ్ది ఎక్స్​ప్రెస్​ రైలులో ప్రయాణిస్తున్నారు. కొంత సమయం తర్వాత వారు ప్రయాణిస్తున్న బోగీలో అకస్మాత్తుగా మంటలు చెలరేగాయి. దాంతో వారు పక్కనున్న బోగీలోకి దూకారు. అయితే వారు వెంట తెచ్చుకున్న క్రీడా వస్తువులు, ఆధార్​ కార్డ్​ తదితర వస్తువులన్నీ కాలిపోయాయి. ఈ ఘటన శనివారం జరిగింది.

"ఆదివారం ఉదయం ఒంటిగంటకు వారు దెహ్రాదూన్​ చేరకున్నారు. అయితే వారి దగ్గర సాధన​ చేయడానికి క్రీడా వస్తువులు లేవు. మరో గంటలోపు క్రీడా వస్తువుల్ని పంపిస్తామని మధ్యప్రదేశ్​ ప్రభుత్వం, అర్చరీ అసోసియేషన్​ ఆఫ్​ ఇండియా సమాచారం ఇచ్చాయి. దాంతో క్రీడా వస్తువులు వచ్చేలోపు నిద్రపొమ్మని ఆర్చర్స్​ను కోరాను. క్రీడా వస్తువులు అందాయి. మరో మూడు గంటల్లో పోటీ జరుగుతుందనగా వారు ప్రాక్టీసు మొదలెట్టారు. తర్వాత జరిగిన పోటీలో జూనియర్​ ఆర్చర్లు సోనియా ఠాకూర్​, అమిత్ ​కుమార్​ నాలుగు పతకాలు సాధించి అసాధ్యాన్ని సుసాధ్యం చేశారు."

-రిచ్​పాల్​ సింగ్​, మధ్యప్రదేశ్​ ఆర్చరీ​ హెడ్​ కోచ్​

వ్యక్తిగతంగా జరిగిన పోటీలో సోనియా వెండి పతకాన్ని గెలుచుకుంది. ఇంకో రౌండ్​ గెలిస్తే ఒలింపిక్స్​కు అర్హత సాధించేది. హరియాణా ప్రత్యర్థితో జరిగిన మాచ్​ డ్రాగా ముగియడం వల్ల ఒలింపిక్స్​ అవకాశం కోల్పోయింది. రజత పతకంతో సరిపెట్టుకుంది.

మిక్స్​డ్​ డబుల్స్​లో అమిత్​తో కలసి మరో వెండి పతకాన్ని సాధించింది సోనియా.

నేషనల్​​ ఛాంపియన్​షిప్ఆర్చరీ పోటీలో నాలుగు పతకాలు గెలిచిన అమిత్​ కుమార్​, సోనియా ఠాకూర్​

వ్యక్తిగతంగా జరిగిన పోటీలో అమిత్​కుమార్​ రజతాన్ని, సోనియాతో కలిసి ఆడిన మిక్స్​డ్​ డబుల్స్​లో వెండి పతకాన్ని గెలుచుకున్నాడు.

ఇదీ చదవండి: రాణించిన మిథాలీ.. సౌతాఫ్రికా లక్ష్యం 189