యూఎఫ్సీ (అల్టిమేట్ ఫైటింగ్ ఛాంపియన్షిప్).. ఓ అమెరికన్ మిక్స్డ్ మార్షల్ ఆర్ట్స్కు సంబంధించిన టోర్నీ. ప్రీమియన్ వరల్డ్ స్పోర్ట్గా ప్రస్తుతం చలామణి అవుతోంది. ఇందులో ప్రపంచస్థాయి బాక్సర్లు తలపడతారు. పురుషులతో పాటు మహిళలు తమ సత్తా నిరూపించుకోవాలని ఉవ్విళ్లూరుతుంటారు. తాజాగా మే 9న యూఎఫ్సీ ఫ్లై వెయిట్ విభాగంలో ఆసక్తికర పోరు జరగనుంది. 'కరాటే హాటీ'గా గుర్తింపు పొందిన మాజీ మోడల్, స్ట్రా వెయిట్ 9వ ర్యాంకర్ మిచెల్లీ వాటర్సన్తో 6వ ర్యాంకర్ మరినా రోడ్రిగేజ్ తలపడనుంది. ఈ నేపథ్యంలో ఈటీవీ భారత్తో ముచ్చటించిన వాటర్సన్ పలు విషయాలు పంచుకుంది.
యూఎఫ్సీ మెయిన్ ఈవెంట్లో మీరు మరినా రోడ్రిగేజ్తో తలపడనున్నారు. ఈ పోటీ కోసం ఏ విధంగా సన్నద్ధమయ్యారు?
ఇంతకుముందులాగే ప్రత్యర్థిపై పైచేయి సాధించేందుకు చాలా శ్రమిస్తున్నా. ఇందుకోసం నేను ఆల్బుక్వెర్క్లో శిక్షణ తీసుకుంటున్నా. నా కదలికల్ని మెరుగుపరుచుకోవడానికి నా స్ట్రెంత్ అండ్ కండీషనింగ్ కోచ్ చాలా సాయం చేశారు. నా వరకు అత్యుత్తమ పోటీ ఇచ్చేందుకు ప్రయత్నిస్తా. మొదటి రౌండ్లోనే తనని చిత్తుచేసినా.. లేక మ్యాచ్ ఐదు రౌండ్ల వరకు వెళ్లినా ఆమెను ఎదుర్కొనేందుకు సిద్ధంగా ఉన్నా.
అమండా రిబాస్, రోస్ నమజునాస్ వంటి గొప్ప ఫైటర్స్తో మీరు తలపడ్డారు. ఇందులో ఎవరితో మళ్లీ పోటీ కోసం ఎదురుచూస్తున్నారు?
ఏంజెలా హిల్తో జరిగిన పోటీ చాలా గొప్పగా అనిపించింది. చివరి నిమిషం వరకు జరిగిన ఈ మ్యాచ్ను బాగా ఆస్వాదించా. ఐదు రౌండ్లు జరిగిన ఈ పోటీలో పైచేయి సాధించడం నాలో ఆత్మస్థైర్యాన్ని నింపింది. రోస్తో పోరు మజాగా ఉంటుంది. ఈమెతో మళ్లీ తలపడాలని అనుకుంటున్నా.
మాకు తెలిసి ఈ ఫైట్ ఫ్లైవెయిట్ కేటగిరీలో బుక్ అయింది. ఇందుకోసం మీ గేమ్ ప్లాన్ని ఏమైనా మార్చుకున్నారా?
ఇందులో పెద్దగా తేడా ఏమీ ఉండదు. నాకు మొదటి నుంచి ఐదు రౌండ్ల వరకు ప్రత్యర్థిపై పైచేయి సాధించగల సత్తా ఉంది. ఈ పోటీ కోసం ఎదురుచూస్తున్నా. మొదటి రౌండ్లోనే తనని చిత్తుచేసినా.. లేక మ్యాచ్ ఐదు రౌండ్ల వరకు వెళ్లినా ఆమెను ఎదుర్కొనేందుకు సిద్ధంగా ఉన్నా.
మరినా రోడ్రిగేజ్తో పోటీ ఎలా ఉండబోతుంది?
మరినా చాలా ప్రమాదకర ప్రతర్థి. ఆమె సాధించిన రికార్డులే ఇందుకు నిదర్శనం. ఈ విభాగంలో అందరికంటే పొడగరి. చాలా బలవంతురాలు. కుడి చేతి పంచ్ కూడా చాలా బలంగా ఉంటుంది. నేను స్టాండింగ్లో ఉన్నా గ్రౌండ్ గేమ్ ఆడినా తనను ఎదుర్కొనే సత్తా ఉంది. తన కంటే నా రెజ్లింగ్ టెక్నిక్ చాలా బాగుంటుంది.
ప్రత్యక్ష ప్రసారం, సమయం
ఈ పోటీ మే 9న ఉదయం 5.30 గంటలకు ప్రసారమవుతుంది. సోనీ టెన్ 2, సోనీ టెన్ 3 ఛానెల్స్లో వీక్షించవచ్చు.
