గ్రీన్ ఇండియా ఛాలెంజ్లో భాగంగా చెస్ క్రీడాకారిణి ద్రోణవల్లి హారిక.. హైదరాబాద్ మాదాపూర్లోని తన నివాసంలో మొక్కలు నాటారు. బ్యాడ్మింటన్ క్రీడాకారిణి సిక్కి రెడ్డి మొక్కలు నాటి.. చేసిన సవాల్ను హారిక స్వీకరించి మూడు మొక్కలు నాటారు. హరితహారం, గ్రీన్ ఇండియా ఛాలెంజ్ లాంటి మంచి కార్యక్రమానికి శ్రీకారం చుట్టిన రాజ్యసభ సభ్యులు సంతోష్కుమార్కు హారిక ధన్యవాదాలు తెలిపారు.
పర్యావరణ పరిరక్షణకు పరమావధిగా సాగుతున్న ఈ యజ్ఞంలో ప్రతి ఒక్కరూ పాల్గొనాలని హారిక విజ్ఞప్తి చేశారు. అనంతరం బ్యాడ్మింటన్ కోచ్ అరుణ్ విష్ణు, టెన్నిస్ క్రీడాకారిణి నిధి, అంతర్జాతీయ బ్యాడ్మింటన్ క్రీడాకారుడు సుమీత్ రెడ్డిలకు మొక్కలు నాటమని ద్రోణవల్లి హారిక ఛాలెంజ్ విసిరారు.
ఇదీ చూడండి: భారత్కు రఫేల్- వాయుసేనకు కొత్త శక్తి
