చెన్నై సూపర్ కింగ్స్ బ్యాటర్ రాబిన్‌ ఊతప్ప మరో బిడ్డకు తండ్రయ్యాడు. ఊతప్ప-శీతల్‌ దంపతులకు పండంటి ఆడబిడ్డ జన్మించింది. దీంతో ఊతప్ప ఆనందంలో మునిగితేలుతున్నాడు. చిన్నారికి పేరును కూడా పెట్టేశాడు.
'మా జీవితాల్లో అడుగుపెట్టిన దేవతను మీకు పరిచయం చేయడం ఆనందంగా ఉంది. 'ట్రినిటి థియా ఊతప్ప'.. మమ్మల్ని నీ తల్లిదండ్రులుగా ఎంచుకున్నందుకు గర్వపడుతున్నాం. నీకు అన్నయ్య అయినందుకు నీ సోదరుడు.. తల్లిదండ్రులమైనందుకు మేము.. ఆశీర్వాదంగా భావిస్తున్నాం' అని సోషల్ మీడియా వేదికగా వెల్లడించాడు ఊతప్ప.
2016లో శీతల్‌ను ఊతప్ప పెళ్లి చేసుకున్నాడు. వీరికి ఇప్పటికే నీల్‌ నోలన్‌ ఊతప్ప అనే కుమారుడు ఉన్నాడు. తాజాగా కూతురు 'ట్రినిటి థియా ఊతప్ప' జన్మించింది. 2006లో అంతర్జాతీయ క్రికెట్లోకి అడుగుపెట్టిన ఊతప్ప.. వికెట్‌ కీపర్‌ బ్యాటర్‌గా ఎదిగాడు. ఊతప్ప చివరిసారిగా జింబాబ్వేతో వన్డే మ్యాచ్‌ ఆడాడు. ప్రస్తుతం చెన్నై సూపర్‌కింగ్స్‌కు ప్రాతినిథ్యం వహిస్తున్నాడు.
- " class="align-text-top noRightClick twitterSection" data="
">
ఇదీ చదవండి: సింగపూర్ ఓపెన్ క్వార్టర్స్లోకి సైనా.. రాణించిన అర్జున్-కపిలా జోడీ
