అర్ధరాత్రి పూట అవధుల్లేని అభిమానం!

తమ జట్టు గెలిచిందని వేల మంది ప్రజలు ఒక్కసారిగా వీధుల్లోకి వచ్చి సంబురాలు చేసుకున్నారు. అమెరికాలోని వర్జీనియా-టెక్సాస్ మధ్య జరిగిన జాతీయ బాస్కెట్​బాల్ ఛాంపియన్​షిప్ ఫైనల్లో వర్జీనియా జట్టు విజయం సాధించింది.

సాధారణంగా రాజకీయ నాయకుల సమావేశాలకో, సినీ హీరోని చూడటానికో ప్రేక్షకులు భారీగా వస్తుంటారు. కానీ తమ జట్టు గెలిచిందని అర్ధరాత్రి పూట వేలమంది కలిసి సంబురాలు చేసుకున్నారు అమెరికాలో వర్జీనియా ప్రజలు.

వర్జినీయా క్యావలీర్స్​, టెక్సాస్​ జట్ల మధ్య జాతీయ బాస్కెట్​బాల్ ఛాంపియన్​షిప్ ఫైనల్ సోమవారం జరిగింది. ఈ పోరులో టెక్సాస్​పై వర్జీనియా 85-77 పాయింట్ల తేడాతో నెగ్గింది. అంతే వర్జీనియా అభిమానుల ఆనందానికి అవధుల్లేకుండా పోయింది. వీధుల్లో వేల మంది హాజరై తమ అభిమానాన్ని చాటుకున్నారు. దీనికి కారణం లేకపోలేదు... వర్జీనియా జట్టు తొలిసారి జాతీయ బాస్కెట్​బాల్ ఛాంపియన్​షిప్​ టైటిల్​ను కైవసం చేసుకుంది.