జపాన్లో జరగనున్న ఒలింపిక్స్ కోసం ఆ దేశంలో అడుగుపెట్టిన తొలి జట్టుగా ఆస్ట్రేలియా సాఫ్ట్‌బాల్ టీమ్ రికార్డు సృష్టించింది. గతేడాదే నిర్వహించాల్సిన టోక్యో ఒలింపిక్ క్రీడలు కరోనా కారణంగా ఈ ఏడాదికి వాయిదా పడ్డాయి.
ఇప్పటికీ ప్రపంచాన్ని కొవిడ్ వదలకపోవడం వల్ల ఈ క్రీడల నిర్వహణ విషయంలో గందరగోళం కొనసాగుతూనే ఉంది. స్థానికంగా కొందరు వ్యతిరేకించడమే ఇందుకు కారణం. ఈ పరిస్థితుల్లో ఆస్ట్రేలియాకు చెందిన సాఫ్ట్‌బాల్ ఆటగాళ్లు టోక్యో నగరానికి వెలుపల ఉన్న నరిట విమానాశ్రయంలో తమ సహాయక సిబ్బందితో కలిసి అడుగుపెట్టారు. ఇది ఈ మెగాక్రీడల నిర్వాహకులకు ఊరటనిచ్చే విషయమని కొందరు అభిప్రాయపడుతున్నారు.
ఇదీ చూడండి: 'టోక్యో ఒలింపిక్స్ కోసం భారత్ రె'ఢీ''
