Asian Games 2022: ఈ ఏడాది జరగనున్న ఆసియా గేమ్స్లో క్రికెట్ కూడా భాగం కానుంది. టీ20 ఫార్మాట్లో పోటీలు నిర్వహించనున్నట్లు ఆసియా గేమ్స్ 2022 నిర్వాహకులు స్పష్టం చేశారు.
సెప్టెంబర్ 10 నుంచి సెప్టెంబర్ 25 వరకు హాంగ్జౌ, జెజియాంగ్, జైనా, సహా మరో ఐదు సిటీల్లో ఈ ఆసియా గేమ్స్ జరగనున్నాయి. మొత్తంగా 40 క్రీడలను 61 విభాగాల్లో నిర్వహించనున్నట్లు అధికారులు తెలిపారు. ఈత, ఆర్చరీ, అథ్లెటిక్స్, బ్యాడ్మింటన్, గుర్రపు స్వారీ, ఫెన్సింగ్, ఫుట్బాల్, హాకీ, జూడో, కబడ్డీ మొదలైన క్రీడలు ఆసియా గేమ్స్లో కీలకం కానున్నాయి.
ఆసియా ఒలింపిక్స్ మండలి అనుమతి అనంతరం.. ఈ-స్పోర్ట్స్, బ్రేక్ డ్యాన్సింగ్ను కూడా ఆసియా గేమ్స్లో చేర్చారు. ఈ నేపథ్యంలో క్రికెట్తో పాటు ఈ రెండు క్రీడలు కూడా తొలిసారిగా మెగా టోర్నీలో భాగం కానున్నాయి.
ఒలింపిక్ కౌన్సిల్ ఆఫ్ ఆసియాలో దక్షిణ ఆసియా జోన్ సభ్య దేశంగా ఉన్న భారత్.. ఇప్పటివరకు జరిగిన అన్ని ఆసియా గేమ్స్లో పాల్గొంది. 1990 మినహా.. మిగతా అన్నిసార్లు అధిక పతకాలు సాధించిన జాబితాలో టాప్ 10లో నిలిచింది. మొత్తంగా 139 స్వర్ణాలు, 178 రజతాలు, 299 కాంస్య పతకాలు సొంతం చేసుకుంది భారత్.
అయితే.. 2021- 23 ఆసియా గేమ్స్ను భారత్లో టెలికాస్ట్ చేసే అవకాశాన్ని సోనీ పిక్చర్స్ నెట్వర్క్ ఇండియా(ఎస్పీఎన్) సొంతం చేసుకుంది. పాకిస్థాన్, శ్రీలంక, బంగ్లాదేశ్, నేపాల్, అఫ్గానిస్థాన్, భూటాన్, మాల్దీవ్స్లో కూడా ఎస్పీఎస్ టెలికాస్ట్ చేయనుంది. సోనీ లైవ్ ద్వారా ఓటీటీల్లోనూ ప్రసారం చేయనుంది.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చదవండి:
