తమిళనాడుకు చెందిన జీ.ఆకాశ్.. భారతదేశ 66వ చెస్ గ్రాండ్ మాస్టర్గా అవతరించాడు. ఇటీవలే జరిగిన చెస్ ఫెడరేషన్ రెండో కౌన్సిల్ సమావేశంలో ఇతడికి ఈ హోదా ఇస్తున్నట్లు ఖరారు చేశారు. ఆకాశ్ తోటి ప్లేయర్లు అయిన ఎమ్. ప్రణీశ్, అమేయా అడిలు అంతర్జాతీయ మాస్టర్ టైటిల్స్ సాధించారు.
గ్రాండ్ మాస్టర్ హోదా(ఫిడే రేటింగ్ 2495) వచ్చినందుకు చాలా ఆనందంగా ఉందని చెప్పిన ఆకాశ్... 2600 ఫిడే రేటింగ్ సాధించడమే తన ప్రస్తుత లక్ష్యమని వెల్లడించాడు.
2012లో జాతీయ టోర్నీలో విజేతగా నిలిచిన ఆకాశ్.. ఆ తర్వాత అంతర్జాతీయ మాస్టర్స్ హోదా సాధించాడు. 2014లో ఇంజినీరింగ్ చేసేందుకు నాలుగేళ్లు విరామం తీసుకుని మళ్లీ 2018లో ఆటలోకి ఎంట్రీ ఇచ్చాడు. ఇప్పుడు గ్రాండ్ మాస్టర్ హోదా తెచ్చుకున్నాడు.
లాక్డౌన్తో ప్రస్తుతం ఇంట్లోనే ఉన్న ఆకాశ్.. చెస్ టోర్నీలను చాలా మిస్సవుతున్నట్లు చెప్పాడు. పరిస్థితులు త్వరగా చక్కదిద్దుకోవాలని కోరుకున్నాడు.
