ఒక్క ఒలింపిక్స్​లో 32 ప్రపంచ రికార్డులు..

గతంలో ఓ ఒలింపిక్స్​లో ఏకంగా 32 ప్రపంచ రికార్డులు నమోదయ్యాయి. బ్రిటీష్​ రాజకుటుంబానికి చెందిన ఓ వ్యక్తి(యువరాణి) తొలిసారి ఆ పోటీల్లోనే పాల్గొన్నారు. ఇంతకీ ఆ ఒలింపిక్స్ ఏవి?

టోక్యో ఒలింపిక్స్​కు అంతా ముస్తాబైంది. ప్రపంచ దేశాలకు చెందిన క్రీడాకారులు.. పతకమే లక్ష్యంగా సిద్ధమవుతున్నారు. ఈ సందర్భంగా గతంలో ఒలింపిక్స్​లో జరిగిన ఆసక్తికర అంశాలు, విషయాలు మీకోసం.

1976, మాంట్రియల్ ఒలింపిక్స్

1. మహిళల బాస్కెట్​బాల్, రోయింగ్, టీం హ్యాండ్​బాల్.. ఈ ఒలింపిక్స్​తోనే ప్రవేశపెట్టారు.
2. కృత్రిమంగా తయారుచేసిన పిచ్​పై తొలిసారి హాకీ మ్యాచ్​లు జరిగాయి.
3. 14 ఏళ్ల రొమేనియన్​ జిమ్నాస్ట్ నదియా కొమనేకి.. అన్​ఈవెన్​ బార్స్​ ఈవెంట్​లో అద్భుత ప్రదర్శన చేసి 10కి 10 పాయింట్లు సాధించింది. మొత్తంగా గరిష్ఠమైన ఏడు మార్కుల్ని పొందింది.
   

   నదియా కొమనేకి
4. బ్రిటీష్​ రాజకుటుంబానికి చెందిన యువరాణి అన్నే.. తమ దేశ ఈక్వెస్ట్రియన్​ జట్టు తరఫున ఒలింపిక్స్​లో పాల్గొంది. ఈ ఫ్యామిలీ నుంచి మెగాక్రీడల్లో ఆడిన తొలి వ్యక్తి ఈమెనే కావడం విశేషం.
5. ఆఫ్రికాకు చెందిన 26 దేశాల్ని ఈ ఒలింపిక్స్​లో ఆడకుండా నిషేధించారు. న్యూజిలాండ్ కూడా పోటీల్లో పాల్గొనకుండా అంతర్జాతీయ ఒలింపిక్ కమిటీ చెప్పింది. 1964 నుంచి ఒలింపిక్​ నిషేధమున్న దక్షిణాఫ్రికా జట్టుతో న్యూజిలాండ్​ రగ్బీ మ్యాచ్​ ఆడటమే ఇందుకు కారణం.
6. మార్గరెట్​ మర్డోక్​(యూఎస్).. షూటింగ్​లో పతకం గెలుచుకున్న తొలి మహిళగా నిలిచింది. ప్రపంచ షూటింగ్​ ఛాంపియన్​షిప్​లోనూ మెడల్​ గెలుచుకున్న షూటర్​గా ఘనత సాధించింది.
7. ఈ ఒలింపిక్స్​లో పాల్గొన్న అథ్లెట్లు.. 32 ప్రపంచ​ రికార్డులు నెలకొల్పారు.
   

   .

1980, మాస్కో ఒలింపిక్స్

1. తూర్పు ఐరోపాలో జరిగిన సమ్మర్​ ఒలింపిక్స్ ఇవే.
2. అఫ్గానిస్థాన్​పై సోవియట్ యూనియన్ దాడి చేసిన కారణంగా అమెరికాతో పాటు 60 దేశాలు, ఈ ఒలింపిక్స్​ను బహిష్కరించాయి.
3. 1956 తర్వాత అతి తక్కువ దేశాలు పాల్గొన్న ఒలింపిక్స్​గా ఇది నిలిచింది. 8 దేశాలు మాత్రమే బరిలో నిలిచాయి.
4. అంగోలా, బోట్స్​వానా, సైప్రస్, లావోస్, మొజాంబిక్, సీచెల్స్​ .. ఈ ఒలింపిక్స్​తోనే అరంగేట్రం చేశాయి.
5. ఈ ఒలింపిక్స్​లో పాల్గొన్న పలు దేశాలు.. ప్రారంభోత్సవ కార్యక్రమానికి వచ్చేందుకు నిరాకరించాయి. పతకం ప్రదానం చేసిన పలు సందర్భాల్లో, వారి దేశ జాతీయ గీతానికి బదులు ఒలింపిక్​ గీతాన్ని ప్లే చేశారు.
6. రష్యాకు చెందిన అలెగ్జాండర్​ దిత్యాతిన్.. పురుషుల జిమ్నాస్టిక్స్​ ప్రతి ఈవెంట్​లోనూ పతకం గెల్చుకున్నాడు. మొత్తంగా ఓ ఒలింపిక్స్​లో ఎనిమిది మెడల్స్​ సాధించిన తొలి అథ్లెట్​గా నిలిచాడు.
7. తూర్పు జర్మనీ మహిళలు.. స్విమ్మింగ్​లో దూకుడు చూపించారు. 1976 ఒలింపిక్స్​లానే ఇందులో 13కి 11 మెడల్స్ సాధించడం విశేషం.

1984, లాస్ ఏంజెలెస్​ ఒలింపిక్స్

1. మహిళల తొలి మారథాన్​.. ఈ ఒలింపిక్స్​లో పెట్టారు. జోన్ బెనాయిట్​(యూఎస్ఏ) విజేతగా నిలిచింది.
2. రిథమిక్ జిమ్నాస్టిక్స్, సింక్రనైజ్డ్ స్విమ్మింగ్, మహిళల సైక్లింగ్ రోడ్​రేస్.. ఈ ఒలింపిక్స్​తోనే ప్రవేశపెట్టారు.
3. సోవియట్ యూనియన్, తూర్పు జర్మనీ, క్యూబా తదితర కమ్యూనిస్ట్ దేశాలు.. 1984 ఒలింపిక్స్​ను బహిష్కరించాయి
4. అమెరికాకు చెందిన మల్టీనేషనల్​ కంపెనీలు, కార్పొరేట్ సంస్థలు.. తమ ఉత్పత్తులపై ఒలింపిక్ సింబల్​ను ముద్రించి, వాటిని విక్రయించడం విశేషం.
5. బలమైన ఐరోపా జట్లు పాల్గొనకపోవడం వల్ల జిమ్నాస్టిక్స్​ ఈవెంట్​లో అమెరికా పురుషుల, మహిళల జట్లు అద్భుత ప్రదర్శనతో అదరగొట్టాయి.
6. క్యూబా బాక్సర్ల గైర్హాజరీతో యూఎస్ బాక్సర్లు ఆకట్టుకునే ప్రదర్శన చేసి, ఏకంగా తొమ్మిది బంగారు పతకాలు సొంతం చేసుకున్నారు.

ఇవీ చదవండి: