టోక్యో ఒలింపిక్స్ కోసం 119 మందితో బృందాన్ని పంపిస్తోంది భారత ఒలింపిక్ సంఘం. అయితే తొలిసారి మన దేశ జట్టు ఏ ఒలింపిక్స్లో పాల్గొందో తెలుసా? ఒలింపిక్స్ జెండాను తొలిసారిగా ఎప్పుడు పరిచయం చేసిందో తెలుసా?
1920 అంట్వెర్ప్ ఒలింపిక్స్
- 1916లో బెర్లిన్లో ఒలింపిక్స్ జరగాలి. కానీ మొదటి ప్రపంచ యుద్ధం(World War I) కారణంగా అవి రద్దయ్యాయి. అనంతరం 1920లో బెల్జియంలోని అంట్వెర్ప్ వేదికగా మెగాక్రీడల్ని నిర్వహించారు.
- తొలి వరల్డ్ వార్లో ఓటమిపాలైన జర్మనీ, ఆస్ట్రియా, హంగేరీ, బల్గేరియా, టర్కీ దేశాలకు ఈ ఒలింపిక్స్కు ఆహ్వానం అందలేదు. కొత్తగా ఏర్పాటైన సోవియట్ యూనియన్.. వారు పాల్గొనకూడదని భావించడమే ఇందుకు కారణం!
- ఇబ్బందికర వాతావరణం, ఆర్థిక ఒడుదొడుకులు కారణంగా ఈ ఒలింపిక్స్కు ఆతిథ్యమిచ్చిన అంట్వెర్ప్ కష్టాలు ఎదుర్కొంది. అసంపూర్తిగా నిర్మించిన స్టేడియంలోనే పోటీలు నిర్వహించారు. అథ్లెట్లు.. మడత మంచాలపై, ఇరుకుగదుల్లో సర్దుకుని ఆటల్లో పాల్గొన్నారు.
- ప్రస్తుతం కనిపించే ఐదు రింగుల ఒలింపిక్ జెండాను తొలిసారి 1920 మెగాక్రీడల్లోనే పరిచయం చేశారు.
- ఓ అథ్లెట్తో ఒలింపిక్ ప్రమాణం చేయించింది.. శాంతికి చిహ్నంగా పావురాలను ఎగురవేసింది ఈ ఒలింపిక్స్లోనే కావడం విశేషం.
- ఒలింపిక్స్ చరిత్రలో అత్యుత్తమ అథ్లెట్లలో ఒకరైన నేడో నాడీ(ఇటలీ).. ఫెన్సింగ్లో ఆరు ఈవెంట్లలో పాల్గొని ఐదు గోల్డ్(స్వర్ణం) మెడల్స్ సొంతం చేసుకున్నాడు.
- 1920 ఒలింపిక్స్లోనే తొలిసారి భారత్, పూర్తి స్థాయి బృందంతో పాల్గొంది. అంతకు 20 ఏళ్ల ముందు పారిస్లో జరిగిన పోటీల్లో నార్మన్ పిచర్డ్ ఒంటరిగా బరిలో దిగారు..
- మన బృందంలోని పూర్మ బెనర్జీ(100 మీ, 400 మీ), పదెప్ప చౌగలే(1000 మీ, మారథాన్), సదాశివ్ డాటర్(మారథాన్)తో పాటు ఇద్దరు రెజ్లర్లు కుమార్ నవాలే, రణ్ధీర్ ఉన్నారు.
ఇవీ చదవండి:
