సాధారణంగా నిమిషాల్లో పూర్తయ్యే రెజ్లింగ్ బౌట్.. 1912 ఒలింపిక్స్లో దాదాపు 11 గంటలు పాటు సాగింది. అంతసేపు రెజ్లర్లు తలపడ్డారా అని ఆశ్చర్యపోవద్దు. ఇది నిజ్జంగా నిజం. అలానే రన్నింగ్లో ఆటోమెటిక్ టైమింగ్ పరికరాల్ని.. ఈ ఒలింపిక్స్లోనే ప్రవేశపెట్టారు.
1912 స్టాక్హోమ్(స్వీడన్) ఒలింపిక్స్
- ఈ ఒలింపిక్స్లో దాదాపు 2400 మంది అథ్లెట్లు పాల్గొన్నారు. 28 దేశాల నుంచి హాజరైన వీరిలో 48 మంది మహిళలు హాజరయ్యారు. మొత్తంగా 14 క్రీడల్లో 102 ఈవెంట్లు నిర్వహించారు.
- పూర్తిగా బంగారంతో చేసిన పతకాలను.. ఈ ఒలింపిక్స్లోనే చివరిసారిగా ఇచ్చారు.
- ట్రాక్ ఈవెంట్స్లో ఆటోమెటిక్ టైమింగ్ పరికరాలను ఈ ఒలింపిక్స్తోనే ప్రవేశపెట్టారు.
- ఈ ఒలింపిక్స్లో మిడిల్వెయిట్ రెజ్లింగ్ సెమీఫైనల్లో ఆల్ఫ్రెడ్ అసికైనెన్(ఫిన్లాండ్)- మార్టిన్ క్లెయిన్(రష్యా).. దాదాపు 11 గంటలు తలపడ్డారు. ఇందులో క్లెయిన్ గెలిచినప్పటికీ, బాగా అలసిపోవడం వల్ల ఫైనల్ ఆడలేకపోయాడు. దీంతో రజత పతకంతో సరిపెట్టుకోవాల్సి వచ్చింది.
- ఒలింపిక్స్ చరిత్రలోనే అత్యధికంగా 320 కిలోమీటర్లు ఉన్న సైక్లింగ్ రోడ్ను 1912లో రూపొందించడం విశేషం.
- ఆర్ట్ కాంపిటీషన్స్, మహిళల డైవింగ్, స్విమ్మింగ్ పోటీలతో పాటు డెకాథ్లాన్, పెంటథ్లాన్లో మహిళలు ఆడటం ఈ ఒలింపిక్స్తోనే మొదలైంది.
- స్వీడన్లో అంతగా ప్రజాదరణ పొందని కారణంగా.. బాక్సింగ్ను 1912 ఒలింపిక్స్లో తొలగించారు.
- క్రీడాకారులు ఐదు ఖండాల నుంచి పోటీల్లో భాగస్వామ్యం కావడం ఇదే తొలిసారి. ఈ ఐదు ఖండాలు.. ఒలింపిక్స్ లోగోలోని ఐదు రింగులను సూచిస్తాయి.
ఇవీ చదవండి:
