క్రీడా రంగంలో ప్రతిష్టాత్మక రాజీవ్గాంధీ ఖేల్రత్న, ద్రోణాచార్య, అర్జున పురస్కారాల కోసం పేర్లను తాజాగా ప్రకటించింది హాకీ ఇండియా. ఖేల్రత్నకు జాతీయ మహిళా జట్టు కెప్టెన్ రాణి రాంపాల్ను నామినేట్ చేసింది. అర్జున అవార్డు కోసం వందనా కటారియా, మోనికా, హర్మన్ప్రీత్ సింగ్లను సిఫారసు చేసింది.
ధ్యాన్ చంద్ అవార్డు కోసం, ఫెడరేషన్ భారత మాజీ హాకీ ప్లేయర్లు ఆర్.పి. సింగ్, తుషార్ ఖండ్కర్లను.. ద్రోణాచార్య పురస్కారానికి కోచ్లు బి.జె కరియప్ప, రోమేశ్ పఠానియాలను నామినేట్ చేసింది.
భారత హాకీ చరిత్రలో 'రాణి'
2017లో జరిగిన మహిళల ఆసియా కప్లో అద్భుత విజయాలకు తోడు, 2018లో జరిగిన ఆసియన్ గేమ్స్లో రజతం దక్కించుకోవడంలో రాణి ప్రధాన పాత్ర పోషించింది. టోక్యో ఒలింపిక్స్కు అర్హత సాధించడంలోనూ మహిళల జట్టు కెప్టెన్ రాంపాల్ది కీలకపాత్ర. 'ది ఇయర్ వరల్డ్ గేమ్స్ అథ్లెట్'గా పేరు తెచ్చుకున్న తొలి భారతీయురాలు రాణి. ఈ క్రీడాాకారిణి ఇప్పటికే అర్జున అవార్డు(2016), పద్మశ్రీ (2019) పురస్కారాలను అందుకుంది.
భారత క్రీడా మంత్రిత్వ శాఖ ఏర్పాటు చేసిన ప్యానెల్.. అవార్డుల పోటీలో వివిధ జాతీయ సమాఖ్యల నుంచి వచ్చిన నామినేషన్లను షార్ట్ లిస్ట్ చేస్తుంది. ఆగస్టు 29న జాతీయ క్రీడా దినోత్సవం సందర్భంగా ఈ పురస్కారాలను ప్రదానం చేస్తారు.
ఇదీ చూడండి... ఖేల్రత్నకు భారత అగ్రశేణి బాక్సర్ల పేర్లు
