Goalkeeper PR Sreejesh: టోక్యో ఒలింపిక్స్లో కాంస్య పతకం గెలిచిన భారత పురుషుల హాకీ జట్టు గోల్కీపర్ పీఆర్ శ్రీజేష్.. ఓ ప్రతిష్ఠాత్మక పురస్కారాన్ని దక్కించుకునేందుకు రేసులోకి వచ్చాడు. వరల్డ్ గేమ్స్ అథ్లెట్ ఆఫ్ ది ఇయర్ అవార్డుకు అతడు నామినేట్ అయ్యాడు. ఆన్లైన్ ఓటింగ్ ప్రక్రియ ద్వారా విజేతను నిర్ణయిస్తారు. జనవరి 10 నుంచి 31 వరకు ఈ ప్రక్రియ జరగనుంది.
ఒకవేళ ఈ అవార్డు శ్రీజేష్కు వరిస్తే.. భారత్ తరఫున ఈ పురస్కారాన్ని అందుకున్న రెండో హాకీ ప్లేయర్గా నిలుస్తాడు. అంతకుముందు మహిళల హాకీ జట్టు కెప్టెన్ రాణి రాంపాల్ ఈ ఘనత దక్కించుకుంది.
శ్రీజేష్.. ఎఫ్ఐహెచ్ గోల్కీపర్ ఆఫ్ ది ఇయర్-2021 పురస్కారాన్ని అందుకున్నాడు. ఇప్పుటివరకు కెరీర్లో మూడు సార్లు ఒలింపిక్స్లో పాల్గొన్న అతడు.. దాదాపు 240కు పైగా అంతర్జాతీయ ప్రదర్శనలు చేశాడు. టోక్యో ఒలింపిక్స్లో భారత జట్టు కాంస్య పతకాన్ని సాధించడంలో కీలకంగా వ్యవహరించాడు.
ఇదీ చూడండి: PR Sreejesh: శ్రీజేష్.. మన 'కంచు' కోట!
