స్పానిష్ క్లబ్ బార్సిలోనాతో అర్జెంటినా ఫుట్బాల్ దిగ్గజం లియోనల్ మెస్సీ మరో కొత్త కాంట్రాక్ట్ కుదుర్చుకోనున్నట్లు తెలుస్తోంది. కొత్త డీల్లో భాగంగా మెస్సీ.. వేతనంలో 50 శాతం కోతకు సిద్ధమయ్యాడని స్థానిక మీడియా ప్రచురించింది. ఈ మేరకు బార్సిలోనా క్లబ్ త్వరలోనే ప్రకటన చేయనుందని సమాచారం.
2004 నుంచి మెస్సీ బార్సిలోనా క్లబ్తోనే ఉన్నాడు. ఈ ఏడాది జూన్తో అతడి కాంట్రాక్ట్ గడువు ముగిసింది. దీంతో మరో ఐదేళ్లకు ఒప్పందం కుదుర్చుకోబోతున్నట్లు తెలుస్తోంది.
ఒకవేళ బార్సిలోనాతో కాంట్రాక్ట్ కుదిరితే.. 2026 వరకు అది కొనసాగుతుంది. అప్పటికి మెస్సీ వయసు 39 ఏళ్లకు చేరుకుంటుంది. గత ఐదేళ్ల ఒప్పందంలో కోపా అమెరికా టైటిల్ గెలుచుకున్న మెస్సీ.. ఇప్పటికే రూ. 4.85 వేలకోట్లను సంపాదించాడు.
ఇదీ చదవండి: బీడీ కంపెనీ బ్రాండ్ అంబాసిడర్ మెస్సీనా?
