అర్జెంటీనా ఫుట్బాల్ స్టార్ లియోనల్ మెస్సీపై సస్పెన్షన్ విధించింది దక్షిణ అమెరికా ఫుట్బాల్ కాన్ఫెడరేషన్. మూడు నెలలపాటు అంతర్జాతీయ మ్యాచ్లు ఆడకుండా నిషేధించింది. కోపా అమెరికా టోర్నీలో చిలీతో మ్యాచ్ సందర్భంగా వివాదాస్పద వ్యాఖ్యలు చేసిన కారణంగా ఈ నిర్ణయం తీసుకుంది.
మెస్సీకి 50వేల యూఎస్ డాలర్లు(రూ. 34లక్షల పైనే) జరిమానా విధించింది. నిషేధం వేటుతో సెప్టెంబర్లో చిలీ, మెక్సికో... అక్టోబరులో జర్మనీతో మ్యాచ్లకు మెస్సీ దూరం కానున్నాడు.
ఈ అంశంపై మెస్సీ కానీ, అర్జెంటీనా సాకర్ బోర్డు కానీ స్పందించలేదు. సస్పెన్షన్ నిర్ణయాన్ని అప్పీలు చేసుకోడానికి వారికి ఇంకా అవకాశముంది. ఇప్పటికే వచ్చే ఏడాది మార్చిలో జరగాల్సిన దక్షిణఅమెరికా ప్రపంచకప్ అర్హత పోటీల్లో తొలి మ్యాచ్కు దూరమయ్యాడు మెస్సీ. చిలీతో మ్యాచ్లో పదే పదే రెడ్ కార్డుకు గురైన కారణంగా ఈ వేటు పడింది.
అసలు మెస్సీ చేసిందేంటి?
కోపా అమెరికా టోర్నీలో బ్రెజిల్పై అర్జింటీనా 2-0 తేడాతో ఓడింది. బ్రెజిల్ను గెలిపించేందుకే ఈ టోర్నీ నిర్వహించారని వివాదాస్పద వ్యాఖ్యలు చేశాడు మెస్సీ. చిలీతో మ్యాచ్ అనంతరం అవార్డుల ప్రదానోత్సవానికీ రాలేదు. "ఈ అవినీతిలో పాలు పంచుకోవాలనుకోవట్లేదని" అన్నాడు. ఈ విషయంపై ఇప్పటికే ఫిర్యాదు కూడా ఇచ్చాడు.
ఇది చదవండి: రొనాల్డో నాకు స్ఫూర్తినిచ్చాడు: విరాట్ కోహ్లీ
