ఎఫ్సీ బార్సిలోనాతో ఉన్న 20 ఏళ్ల బంధానికి స్టార్ ఫుట్బాలర్ లియో మెస్సీ ముగింపు పలకాలని భావిస్తున్నాడు. సదరు యాజమాన్యానికి ఫ్యాక్స్ కూడా పంపాడు. అయితే కాంట్రాక్ట్లో ఉన్న నిబంధనను సడలించి, తనకు వెళ్లేందుకు అనుమతినివ్వాలని పేర్కొన్నాడు. క్లబ్ మాత్రం, మెస్సీ తన కెరీర్ చివరి వరకు తమతోనే ఉండాలని కోరుకుంటోంది.
2000లో బార్సిలోనాలో చేరిన మెస్సీ.. ఇప్పటివరకు 10 లాలిగా టైటిల్స్తో పాటు నాలుగుసార్లు యూఈఎఫ్ఏ ఛాంపియన్స్ లీగ్ టైటిల్ సాధించడంలో కీలకపాత్ర పోషించాడు. ఫార్వర్డ్గా ఎన్నో గోల్స్ కొట్టి క్లబ్ విజయాల్లో భాగమయ్యాడు. ఆరుసార్లు గోల్డెన్ బూట్ను సొంతం చేసుకున్నాడు.
2007-08 తర్వాత బార్సిలోనాకు ప్రస్తుత సీజన్ క్లిష్టంగా సాగుతోంది. ఇటీవలే బాయర్న్ మ్యూనిచ్ క్లబ్ చేతిలో 8-2 తేడాతో ఓడింది బార్సిలోనా. ఈ మ్యాచ్ జరిగిన 11 రోజుల తర్వాతే మెస్సీ, క్లబ్తో తెగదెంపులు చేసుకోవాలనుకుని అనుకుంటున్నట్లు తెలిసింది.
ఇవీ చదవండి:
