బ్రెజిల్లో ఘోర విమాన ప్రమాదం జరిగింది. టొకాన్టిన్ రాష్ట్రంలో జరిగిన ఈ ఘటనలో నలుగురు ఫుట్బాలర్లు సహా బ్రెజిలియన్ సాసర్ క్లబ్ పల్మాస్ అధ్యక్షుడు లుకాస్ మెయిరా, పైలట్ మరణించారు. ఈ విషయాన్ని సదరు జట్టు యాజమాన్యం తెలిపింది. టేకాఫ్ అయ్యే సమయంలో విమానం ఒక్కసారిగా కూలిపోవడం వల్ల ప్రమాదం జరిగిందని వెల్లడించింది.
విలానోవా జట్టుతో మ్యాచు ఆడేందుకు ఈ ఆటగాళ్లంతా గొయానాకు బయలుదేరారు. అంతకముందుకు వీరికి చేసిన కరోనా నిర్ధరణ పరీక్షల్లో పాజిటివ్గా తేలింది. ఈ కారణంగా వీరిని మ్యాచు జరిగే ప్రదేశానికి ప్రత్యేక విమానంలో పంపింది జట్టు యాజమాన్యం. ఆ సమయంలోనే ఈ ఘటన జరిగింది. మృతులను లుకాస్ మెయిరా(జట్టు అధ్యక్షుడు), లుకాస్ ప్రాక్సేడెస్, గుయిల్హెర్మె నో, రనులే, మార్కస్ మోలినారిగా(ఆటగాళ్లు)గా గుర్తించారు. ప్రమాదానికి గల కారణాలు తెలియలేదు.
ఇదీ చూడండి: ఆరంభంలో అదరగొట్టి.. ఆ తర్వాత కనుమరుగైన క్రికెటర్లు
