WTC Final 2023 : టీమ్ఇండియాకు చెందిన నలుగురు స్టార్ ఆటగాళ్లు త్వరలోనే తమ క్రికెట్ కెరీర్కు గుడ్బై చెప్పనున్నట్లు సమాచారం. ఇందుకోసం ఈనెల 7 నుంచి 11 వరకు లండన్ వేదికగా జరిగే ఆసీస్-భారత్ డబ్ల్యూటీసీ ఫైనల్ మ్యాచ్నే డెడ్లైన్గా పెట్టుకున్నారట. మ్యాచ్ ముగిసిన వెంటనే ఈ నలుగురు తమ రిటైర్మెంట్ను ప్రకటించనున్నట్లు తెలిసింది.
వరల్డ్ టెస్ట్ ఛాంపియన్షిప్ సిరీస్ ముగిసిన తర్వాత మయాంక్ అగర్వాల్, ఇషాంత్ శర్మ, ఉమేష్ యాదవ్, వృద్ధిమాన్ సాహా ఆట నుంచి తప్పుకోనున్నట్లు స్పోర్ట్స్ వర్గాలు చెబుతున్నాయి. గత కొద్ది రోజులుగా భారత క్రికెట్ బోర్డు యువ ఆటగాళ్లకే పెద్దపీట వేస్తోంది. ఫార్మాట్లతో సంబంధం లేకుండా దాదాపు అన్నింటిలోనూ కొత్త ప్లేయర్లకు ఛాన్స్ ఇచ్చేందుకు బీసీసీఐ మొగ్గు చూపుతోంది. ఈ నేపథ్యంలో ఈ నలుగురు రిటైర్మెంట్ ప్రకటిస్తారనే చర్చ జోరుగా సాగుతోంది.
మయాంక్ అగర్వాల్:
2022 మార్చి నుంచి ఏ టెస్టు మ్యాచ్లోనూ మయాంక్ అగర్వాల్కు అవకాశం రాలేదు. టీమ్ఇండియా ఓపెనర్ల స్థానం కోసం ఇప్పటికే అత్యుత్తమ ఫామ్లో ఉన్న శుభ్‌మన్ గిల్, రుతురాజ్ గైక్వాడ్, యశస్వి జైస్వాల్, కేఎల్ రాహుల్ వంటి ఆటగాళ్లు ఉండడం వల్ల మున్ముందు మయాంక్కు జట్టులో చోటు లభించేలా కనిపించడం లేదు.
ఇషాంత్ శర్మ:
శార్దూల్ ఠాకూర్, జయదేవ్ ఉనద్కత్, జస్ప్రీత్ బుమ్రా, మహ్మద్ సిరాజ్ సహా మరికొంతమంది అద్భుతమైన యువ పేసర్లు భారత జట్టులో ఉన్నారు. ఈ క్రమంలో జట్టులోకి ఇషాంత్ రీఎంట్రీ కాస్త అనుమానంగా కనిపిస్తోంది. ఈ కారణంతో అతడు కూడా ఐసీసీ ప్రపంచ టెస్ట్ ఛాంపియన్షిప్ తర్వాత తన క్రికెట్ కెరీర్కు వీడ్కోలు పలికే అవకాశం ఉన్నట్లు తెలుస్తోంది.
ఉమేశ్ యాదవ్:
ప్రస్తుతం ఉమేశ్ యాదవ్ టెస్ట్ కెరీర్ నిలకడగానే ఉంది. అయితే ఈసారి జరగబోయే టెస్టు ఛాంపియన్‌షిప్‌లో మాత్రం ఆశించిన స్థాయిలో ప్రదర్శనను ఇవ్వకపోతే మళ్లీ జట్టులోకి ఎంపిక కావడం కాస్త కష్టమే. అయితే టీమ్లో శార్దూల్, మహ్మద్ సిరాజ్ వంటి ఫాస్ట్ బౌలర్లు ఉండడంతో ఉమేశ్ యాదవ్ రిటైర్ అవుతాడనే చర్చ మాత్రం జోరుగా సాగుతోంది.
వృద్ధిమాన్ సాహా:
టెస్ట్ క్రికెట్ ఫార్మాట్కు ఎంఎస్ ధోనీ రిటైర్మెంట్ ప్రకటించిన తర్వాత జట్టులో వృద్ధిమాన్ సాహా ప్రధాన వికెట్ కీపర్‌గా ఎదిగాడు. అయితే రిషబ్ పంత్ జట్టులోకి వచ్చిన తర్వాత అతడి స్థానాన్ని రీప్లేస్ చేశాడు. ప్రస్తుతం కేఎస్ భరత్, ఇషాన్ కిషన్ కూడా టీమ్లోకి రావడంతో వృద్ధిమాన్ సాహా రిటైర్మెంట్ దాదాపు ఖరారైనట్లు కనిపిస్తోంది.
WTC 2023 Final : క్రికెట్ లవర్స్తో పాటు ఆటగాళ్లు కూడా ఎప్పుడెప్పుడా అని ఎంతో ఆశగా ఎదురుచూస్తున్న వరల్డ్ టెస్ట్ ఛాంపియన్షిప్ ఫైనల్ 2023 ఈ నెల 7 నుంచి ప్రారంభంకానుంది. ఇంగ్లాండ్ లండన్లోని కెన్నింగ్టన్ ఓవల్ స్టేడియంలో ఈ మ్యాచ్ జరగనుంది. ఇప్పటికే లండన్ చేరుకున్న ఇరు జట్ల ఆటగాళ్లు ప్రాక్టీస్లో బిజీ అయ్యారు.
