సుదీర్ఘ ఫార్మాట్లో ప్రపంచకప్లా భావిస్తున్న ప్రపంచ టెస్టు ఛాంపియన్షిప్ ఫైనల్ (World Test Championship Final)కు మరో మూడు రోజుల సమయం మాత్రమే ఉంది. ఈ నేపథ్యంలో టీమ్ఇండియా మాజీ క్రికెటర్ ఆకాశ్ చోప్రా(Akash Chopra) తన డబ్ల్యూటీసీ ఫైనల్ తుది జట్టును ప్రకటించాడు.
చోప్రా తుది జట్టు ప్రకారం.. అందరూ భావిస్తున్నట్లుగానే రోహిత్తో కలిసి యువ ఓపెనర్ గిల్ ఇన్నింగ్స్ను ప్రారంభించనున్నాడు. ఛెతేశ్వర్ పుజారా, కెప్టెన్ విరాట్ కోహ్లీ, అజింక్యా రహానెకు బ్యాటింగ్ లైనప్లో స్థానం కల్పించాడు. ఇక ఆరో స్థానానికి వికెట్ కీపర్ రిషభ్ పంత్కు అవకాశం ఇచ్చాడు. హనుమ విహారిని తన తుది జట్టులో స్థానం ఇవ్వలేదు చోప్రా.
ఇదీ చదవండి: తెరపై ద్రవిడ్ బయోపిక్.. హీరో ఎవరంటే?
సిరాజ్ ఔట్..
ఇక బౌలర్ల జాబితాలో చాలా మంది విశ్లేషకులు భావిస్తున్నట్లుగానే ఇద్దరు స్పిన్నర్లకు చోటు కల్పించాడు ఆకాశ్. రవిచంద్రన్ అశ్విన్తో పాటు రవీంద్ర జడేజాలను తీసుకున్నాడు. వీరు బంతితో పాటు బ్యాట్తోనూ రాణించగలరని ఆశించాడు. ఇక పేసర్ల విషయానికొస్తే మహమ్మద్ సిరాజ్కు మొండిచేయి చూపించాడీ మాజీ క్రికెటర్. ఇషాంత్, బుమ్రా, షమీలకు తుది జట్టులో చోటిచ్చాడు. చాలా మంది క్రికెట్ విశ్లేషకులతో పాటు అభిమానులు కూడా ఇదే జట్టును అంచనా వేస్తున్నారు.
ఆకాశ్ చోప్రా తుది జట్టు..
శుభ్మన్ గిల్, రోహిత్ శర్మ, ఛెతేశ్వర్ పుజారా, విరాట్ కోహ్లీ(కెప్టెన్), అజింక్యా రహానె, రిషభ్ పంత్, రవీంద్ర జడేజా, రవిచంద్రన్ అశ్విన్, ఇషాంత్ శర్మ, మహమ్మద్ షమీ, జస్ప్రీత్ బుమ్రా.
ఇదీ చదవండి: CWG 2022: మహిళల క్రికెట్ షెడ్యూల్ ప్రకటన
