WTC 2021-23 Points Table: దక్షిణాఫ్రికాతో జరిగిన మూడో టెస్టులో ఏడు వికెట్ల తేడాతో ఓడి టెస్టు సిరీస్ను చేజార్చుకున్న టీమ్ఇండియాకు మరో నిరాశ ఎదురైంది. ప్రొటీస్ జట్టు చేతిలో ఓటమి చెందిన నేపథ్యంలో ప్రపంచ టెస్టు ఛాంపియన్షిప్ కొత్త పాయింట్ల పట్టికను ప్రకటించింది ఐసీసీ. ఇందులో కోహ్లీసేన.. మరో స్థానం కిందకు పడిపోయింది. 49.07 విజయాల శాతం, 53 పాయింట్లతో ఐదో స్థానంలో నిలిచింది. ఇక సిరీస్ గెలుచుకున్న దక్షిణాఫ్రికా.. 66.66 విజయాల శాతం, 24 పాయింట్లతో నాలుగో ర్యాంకుకు చేరింది.
శ్రీలంక(100 శాతం, 24 పాయింట్లు) అగ్రస్థానంలో కొనసాగుతోంది. ఆస్ట్రేలియా(83.33 శాతం, 40 పాయింట్లు), పాకిస్థాన్(75 శాతం, 36 పాయింట్లు) రెండు, మూడు ర్యాంకుల్లో నిలిచాయి.
WTC 2021-23 Points System: డబ్ల్యూటీసీ-2 (2021-2023) కోసం కొత్త పాయింట్ల పద్ధతిని ఇదివరకే ప్రకటించింది అంతర్జాతీయ క్రికెట్ కౌన్సిల్ (ఐసీసీ). పర్సెంటేజ్ ఆఫ్ పాయింట్ల ప్రకారం జట్లకు ర్యాంకులు ఇవ్వనున్నట్లు తెలిపింది. గెలిచిన ప్రతి మ్యాచ్కు 12 పాయింట్లు వస్తాయని వెల్లడించింది.
ఈ కొత్త పద్ధతి ప్రకారం గెలిచిన ప్రతి మ్యాచ్కు 12 పాయింట్లు, పర్సెంటేజ్ రూపంలో 100 పాయింట్లు ఇస్తారు. టై అయితే (6 పాయింట్లు, 50 శాతం), డ్రా (4 పాయింట్లు, 33.33 శాతం), ఓడిన మ్యాచ్కు (0 పాయింట్లు, 0 శాతం) ఉంటాయి. మ్యాచ్ల సంఖ్య ఆధారంగా సిరీస్ పాయింట్లను కేటాయిస్తారు.
ఇదీ చూడండి: అమెరికా గోల్ఫ్ స్టార్.. అందాల భామ కూడా..
