Asia Games 2023 Cricket : కొవిడ్ కారణంగా ఏడాది పాటు వాయిదా పడిన ఆసియా క్రీడలు త్వరలో ప్రారంభం కానున్నాయి. చైనాలోని హాంగ్‌జౌ వేదికగా సెప్టెంబర్ 23 నుంచి అక్టోబర్ 8 వరకు అట్టహాసంగా జరగనుంది. అయితే ఈ సారి ఈ కీడల్లో క్రికెట్ కూడా ఓ భాగమైంది. దీనికి సంబంధించిన ప్రకటన కూడా ఎప్పుడో విడుదలవ్వగా.. బీసీసీఐ తాజాగా చైనాకు పయనమవ్వనున్న తుది జట్టును కూడా వెలువరించింది. టీ20 ఫార్మాట్‌లో నిర్వహించనున్న ఈ మ్యాచ్లకు టీమ్ఇండియా యంగ్ ప్లేయర్ రుతురాజ్ గైక్వాడ్ సారధ్యం వహించనున్నాడు.
అక్టోబర్ 5న ఐసీసీ ప్రపంచకప్ జరగనున్న నేపథ్యంలో బీసీసీఐ టీమ్ఇండియా జట్లను ఇలా వేర్వేరుగా ప్రకటించింది. దీంతో యశస్వి జైస్వాల్, రాహుల్ త్రిపాఠి, తిలక్ వర్మ, రింకూ సింగ్, జితేష్ శర్మ , వాషింగ్టన్ సుందర్, షాబాజ్ అహ్మద్, రవి బిష్ణోయ్, అవేష్ ఖాన్, అర్ష్‌దీప్ సింగ్, ముకేశ్ కుమార్, శివం మావి, శివమ్ దూబే, ప్రభ్‌సిమ్రాన్ సింగ్ లాంటి యంగ్ ప్లేయర్స్ అందరూ ఆసియా క్రీడల్లో జట్టుకు ప్రాతినిథ్యం వహించనున్నారు. అయితే అప్పట్లో తుది జట్టు కోసం కొంత మంది ప్లేయర్స్ను ఎంచుకున్న బీసీసీఐ.. కొన్ని అనివార్య కారణాల వల్ల వారిని ఆఖరిలో తీసుకోలేదు. కానీ తాజాగా వెలువరిన సమాచారం ప్రకారం ఆసియా క్రీడల జట్టు నుంచి మినహాయించిన కొంతమంది ఆటగాళ్లు ప్రపంచ కప్కు సెలెక్ట్ అయ్యే అవకాశాలున్నాయట. దీంతో వీరు వరల్డ్ కప్ టీమ్లోకి వైల్డ్ కార్డ్ ఎంట్రీ ఇచ్చే అవకాశాలు కనిపిస్తున్నాయి. ఇంతకీ వారెవరంటే..
శార్దూల్ ఠాకూర్
వన్డే మ్యాచుల్లో శార్దూల్ ఠాకూర్ గణాంకాలు సుమారుగానే ఉన్నాయి. ఆడిన 35 మ్యాచుల్లో ఈ ప్లేయర్.. 50 వికెట్లు పడగొట్టాడు. కానీ అతని సగటు (31.98)తో పాటు అతని ఎకానమీ రేటు (6.23) రెండూ ఎక్కువగా ఉండటం వల్ల ఇతన్ని జట్టులోకి తీసుకునే అవకాశాలు కనిపిస్తున్నాయి. ఎందుకంటే ప్రస్తుతం ఉన్న టీమ్లో హార్దిక్ పాండ్యా మినహా భారత్‌కు మరో ఫాస్ట్-బౌలింగ్ ఆల్-రౌండర్లు లేరు. దీంతో మూడవ పేసర్‌గా ఉండగల సామర్థ్యం ఉన్నవారెవరైనా టీమ్ఇండియాకు అవసరం కావచ్చు. దీంతో వైల్డ్ కార్డ్ ఎంట్రీలో ఇతని పేరు వినిపించచ్చని విశ్లేషకుల అంచనా.
దీపక్ చాహర్
ఫాస్ట్ బౌలింగ్ ఆల్-రౌండర్ల అంటే మనకు గుర్తొచ్చే పేర్లలో దీపక్ చాహర్ కూడా ఒకటి. ఈ మేటి స్వింగర్.. ఆడిన 13 వన్డేల్లో 5.75 ఎకానమీ రేటుతో 16 వికెట్లు పడగొట్టాడు. కానీ ఈ సారి భారత జట్టు తరఫున ఒక్క వన్డే కూడా ఆడలేదు. కానీ జట్టలోకి ఇతని ఎంపిక లాభదాయకమని అంచనా. అయితే ఇప్పుడిప్పుడే అతను గాయాల నుంచి కోలుకుంటున్నాడు. దీంతో అతని శరీరం ఈ సుదీర్ఘమైన ఫార్మాట్కు సహకరించగలదా అన్న ప్రశ్నలు కూడా లేవనెత్తతున్నాయి.
శిఖర్ ధావన్
వన్డే జట్టులో స్థానం కోల్పోయాక శిఖర్ ధావన్.. 2022 నుంచి టీమ్ఇండియా తరఫున ఈ ఫార్మాట్‌లో ఆడలేదు. సీనియర్స్లో మేటి స్కిప్పర్ అయిన ధావన్ను ఆసియా క్రీడల్లో ఎంపిక చేసుకోలేదన్న విషయంపై తీవ్ర అసంతృప్తి నెలకొంది. అయితే తాజా సమాచారం ప్రకారం ప్రపంచ కప్కు అతడ్ని బ్యాకప్ ఓపెనర్‌గా తీసుకునే సూచనలు కనిపిస్తున్నాయి. రోహిత్ శర్మ,శుభ్‌మాన్ గిల్తో పాటు ధావన్ను కూడా ఓపెనర్స్ లిస్ట్లో జోడించే అవకాశాలు కనిపిస్తున్నాయి.
