Worldcup 2022 Ind vs Nz: ఐసీసీ మహిళల వన్డే ప్రపంచకప్లో భాగంగా టీమ్ఇండియాతో జరిగిన మ్యాచ్లో న్యూజిలాండ్ బాగా ఆడింది. టాస్‌ ఓడి బ్యాటింగ్ చేసిన ఆతిథ్య జట్టు నిర్ణీత 50 ఓవర్లలో 9 వికెట్ల నష్టానికి 260 పరుగుల మెరుగైన స్కోర్‌ సాధించింది. దీంతో భారత్ ముందు పోరాడే లక్ష్యాన్ని నిర్దేశించింది.
అమీ సత్తర్వైట్(75), అమెలియా కెర్(50), కెటీ మార్టిన్(41), సోఫీ డివైన్(35) బాగానే రాణించారు. భారత బౌలర్లలో పూజా వస్త్రాకర్ 4, రాజేశ్వరి గైక్వాడ్ 2, ఝులన్ గోస్వామి ఓ వికెట్ తీశారు.
అగ్రస్థానానికి అడుగుదూరంలో..
మహిళల వన్డే ప్రపంచకప్లో టీమ్ఇండియా పేసర్‌ ఝులన్ గోస్వామి రికార్డు సృష్టించింది. ప్రపంచకప్ చరిత్రలో అత్యధిక వికెట్లు తీసిన బౌలర్‌గా.. ఆస్ట్రేలియన్‌ మహిళ బౌలర్‌ లిన్‌ ఫుల్‌స్టన్‌తో కలిసి గోస్వామి అగ్రస్థానంలో నిలిచింది. న్యూజిలాండ్తో జరిగిన మ్యాచ్లో గోస్వామి ఈ ఘనతను దక్కించుకుంది. ఇంకా ఒక్క వికెట్ తీస్తే అగ్రస్థానానికి చేరుకుంటుంది.
ఇదీ చదవండి: Test Rankings 2022: టెస్ట్ ర్యాంకింగ్స్లో అతడే నెం. 1
