చరిత్ర సృష్టించనున్న టీమ్​ఇండియా - ఒక్క అడుగు దూరంలో!

Whitewash In T20 Cricket History T20 world cup 2024 : టీ20 క్రికెట్‌లో చరిత్ర సృష్టించడానికి టీమ్​ఇండియా అడుగు దూరంలో నిలిచింది. నేడు బెంగళూరు వేదికగా అఫ్గానిస్థాన్​తో జరిగే మ్యాచ్‌లో ఆ ఘనత సాధించేందుకు రోహిత్‌ సేన ఉవ్విళ్లూరుతోంది.

Whitewash In T20 Cricket History T20 world cup 2024 : టీ20 వరల్డ్​ కప్‌ ముందు టీమ్​ఇండియా ఆడుతోన్న ఆఖరి సిరీస్‌(IND vs AFG) ఆఫ్గానిస్థాన్​తో​. ఈ సిరీస్​లో భారత జట్టు అద్భుతంగా రాణిస్తూ అదరగొడుతోంది. ఇప్పటికే మరో మ్యాచ్‌ మిగిలి ఉండగానే సిరీస్‌ను తన సొంతం చేసుకుంది. అయితే ఇప్పుడు ఈ ఫార్మాట్‌లో కొత్త చరిత్ర లిఖించేందుకు రెడీ అవుతోంది. అఫ్గానిస్థాన్‌పై నేడు బెంగళూరు వేదికగా జరిగే ఈ మ్యాచ్‌లోనూ గెలిస్తే టీ20 హిస్టరీలో అత్యధిక వైట్‌వాష్​లు(Historic whitewash) చేసిన టీమ్​గా భారత్‌ అవతరించే అవకాశం ఉంటుంది.

ఇప్పటివరకూ టీ20 హిస్టరీలో ద్వైపాక్షిక సిరీస్‌ల్లో అత్యధిక వైట్‌వాష్‌లు(8) చేసిన జట్లుగా టీమ్​ఇండియా, పాకిస్థాన్‌ సంయుక్తంగా కొనసాగుతున్నాయి. ఈ నేపథ్యంలోనే నేడు అఫ్గాన్‌తో మూడో టీ20లో గెలిస్తే పాకిస్థాన్​ను అధిగమించి 9 వైట్​వాష్​లతో ఈ ఘనత సాధించిన తొలి జట్టుగా టీమ్‌ఇండియా నిలుస్తుంది.

IND vs AFG Third T20 : కాగా, అఫ్గానిస్థాన్​పై అన్ని విభాగాల్లో అద్భుత ప్రదర్శన చేసిన టీమ్ఇంయా 2-0 తేడాతో సిరీస్​ను సొంతం చేసుకుందన్న సంగతి తెలిసిందే. రెండు మ్యాచుల్లో ప్రత్యర్థిని చిత్తుగా ఓడించిన రోహిత్‌ సేన ఇప్పుడు మూడో టీ20లోనూ అద్భుతంగా రాణించి విజయం సాధించాలని పట్టుదలతో ఉంది. మరి మొదటి రెండు మ్యాచ్‌ల్లో తేలిపోయిన అఫ్గానిస్థాన్​ జట్టు మూడో టీ20లో ఏ మేరకు రాణిస్తుందో చూడాలి. ఒకవేళ భారత జట్టు గెలిచి ఈ సిరీస్‌ను క్లీన్‌స్వీప్‌ చేస్తే కనుక టీ20 వరల్డ్​ కప్​ ముందు మనోళ్లు మరింత ఆత్మవిశ్వాసంతో ముందుకు వెళ్లొచ్చు. ఇకపోతే తొలి రెండు మ్యాచ్‌ల్లో డకౌట్ అయిన కెప్టెన్ రోహిత్‌ కనీసం మూడో టీ20లోనైనా మంచి ప్రదర్శన చేయాలని అభిమానులు ఆశిస్తున్నారు. చూడాలి మరి ఏం జరుగుతుందో.

• Indore ✈️ Bengaluru#TeamIndia in town for the 3⃣rd & final T20I 👏 👏#INDvAFG | @IDFCFIRSTBank pic.twitter.com/xKKRi6yf9W

  — BCCI (@BCCI) January 15, 2024 " class="align-text-top noRightClick twitterSection" data="

  Indore ✈️ Bengaluru#TeamIndia in town for the 3⃣rd & final T20I 👏 👏#INDvAFG | @IDFCFIRSTBank pic.twitter.com/xKKRi6yf9W

  — BCCI (@BCCI) January 15, 2024

  ">

  Indore ✈️ Bengaluru#TeamIndia in town for the 3⃣rd & final T20I 👏 👏#INDvAFG | @IDFCFIRSTBank pic.twitter.com/xKKRi6yf9W

  — BCCI (@BCCI) January 15, 2024

తుది జట్లు(అంచనా):

టీమ్​ఇండియా : రోహిత్‌ శర్మ (కెప్టెన్‌), యశస్వి జైస్వాల్‌, కోహ్లీ, శివమ్‌ దూబె, జితేశ్‌ శర్మ, రింకు సింగ్‌, అక్షర్‌ పటేల్‌, వాషింగ్టన్‌ సుందర్‌/కుల్‌దీప్‌ యాదవ్‌, అర్ష్‌దీప్‌ సింగ్‌, రవి బిష్ణోయ్‌, ముకేశ్‌ కుమార్‌/అవేష్‌ ఖాన్‌

అఫ్గానిస్థాన్‌: రహ్మానుల్లా గుర్బాజ్‌, ఇబ్రహీం జద్రాన్‌, గుల్బదీన్‌ నైబ్‌, అజ్మతుల్లా ఒమర్‌జాయ్‌, మహ్మద్‌ నబి, నజీబుల్లా జద్రాన్‌, కరీమ్‌ జనత్‌, ముజీబ్‌ ఉర్‌ రెహ్మాన్‌, నూర్‌ అహ్మద్‌, నవీన్‌ ఉల్‌ హక్‌, ఫజల్‌హక్‌ ఫరూఖీ