టీ20 ఫార్మాట్లో టీమ్ఇండియా ఆటతీరుపై కొద్ది కాలం నుంచి విమర్శలు వస్తున్న సంగతి తెలిసిందే. ముఖ్యంగా ఈ ఏడాది టీ20 వరల్డ్కప్ సెమీఫైనల్లో భారత జట్టు పరాజయం చెందటం వల్ల విమర్శలు మరింత ఎక్కువయ్యాయి. ఇకపోతే న్యూజిలాండ్ ఇటీవలే ఆడిన టీ20 సిరీసే భారత్‌కు ఈ ఏడాది చివరి పొట్టి ఫార్మాట్ సిరీస్. ఇక మళ్లీ ఈ ఫార్మాట్లో వచ్చే ఏడాది మాత్రమే ఆడనుంది. అయితే ఈ ఏడాది టీ20ల్లో భారత జట్టు ఓ ఘనత అందుకుంది. అత్యథిక సిక్సర్లు బాదిన జట్టుగా నిలిచింది. ఈ సంవత్సరంలో కేవలం పొట్టి ఫార్మాట్‌లోనే ఏకంగా 297 సిక్సర్లు బాదింది. మరే జట్టూ ఇన్ని సిక్సర్లు బాదలేదు.
ఇక ఈ ఏడాదిలో టీమ్ఇండియా తర్వాత ఎక్కువ సిక్సర్లు బాదిన జట్ల వివరాలు ఒకసారి పరిశీలిస్తే.. ఈ జాబితాలో రెండో స్థానంలో వెస్టిండీస్ నిలిచింది. ఆ జట్టు ఆటగాళ్లు తమ బ్యాట్తో 170 సిక్సర్లు కొట్టి సెకండ్ ప్లేస్లో నిలిచారు. 167 సిక్సర్లతో టీ20 ప్రపంచకప్ ఛాంపియన్ ఇంగ్లాండ్ మూడో ర్యాంకును దక్కించుకుంది. 152 సిక్సర్లు బాదిన న్యూజిలాండ్ నాలుగో స్థానంలో నిలిచింది. ఆ తర్వాతి ర్యాంకుల్లో ఐర్లాండ్ జట్టు 144 సిక్సర్లు, సౌతాఫ్రికా (118), పాకిస్థాన్ (114), శ్రీలంక (108), ఆస్ట్రేలియా (101) ఉన్నాయి. గతేడాది టీ20 వరల్డ్ కప్ గెలిచిన ఆస్ట్రేలియా ఈ జాబితాలో చివరన ఉండటం గమనార్హం.
ఇదీ చూడండి: ఒక్కో ఫార్మాట్కు ఒక్కో కోచ్.. హర్భజన్ సింగ్ కీలక వ్యాఖ్యలు
