Virat Kohli Money Heist: టీమ్ఇండియా టెస్ట్ సారథి కోహ్లీకి ఉన్న ఫ్యాన్ ఫాలోయింగ్ గురించి ప్రత్యేకంగా చెప్పనక్కర్లేదు. అతడి గురించి తెలుసుకునేందుకు అభిమానులు ఎప్పుడూ ఆసక్తి చూపుతుంటారు. విరాట్కు ప్రైవేట్ జెట్ ఉందా? బ్లాక్వాటర్ తాగుతాడా? అతని హాబీస్ ఏంటి? ఇలా అతని గురించి నెట్టింట్లో తెగ ఆరా తీస్తుంటారు. అయితే తాజాగా ఓ షూట్లో పాల్గొన్న విరాట్ హిలీయం బెలూన్ ఛాలెంజ్ను స్వీకరించి తన గురించి గూగుల్లో ఎక్కువగా వెతుకుతున్న ప్రశ్నలకు పలు ఆసక్తికర సమాధానాలు చెప్పాడు. దీనికి సంబంధించిన వీడియోను సోషల్మీడియాలో పోస్ట్ చేశాడు. ఆ సంగతులు ఏంటో తెలుసుకుందాం..
విరాట్ కోహ్లీ ఏం చేస్తాడు?
క్రికెట్ ఆడతా.
కోహ్లీ కస్టమర్ కేర్ నంబర్ ఏంటి?
181818. అయితే మీరు కాల్ చేయరనే ఆశిస్తున్నా.
కోహ్లీకి ప్రైవేట్ జెట్ ఉందా?
లేదు. అదొక రూమర్ మాత్రమే. నాకు సొంత జెట్ లేదు.
కోహ్లీ బాగా చదివేవాడా?
నేను డిసెంటే. కానీ .. ఏ సబ్జెక్ట్లోనూ టాపర్ మాత్రం కాదు.
కోహ్లీ ప్రస్తుతం ఏం చేస్తున్నాడు?
పుమా షూట్లో ఉన్నాడు.
మనీహైస్ట్ సిరీస్లో విరాట్ కోహ్లీ నటించాడా?
లేదు. అయితే, అందులోని ప్రొఫెసర్ మాత్రం నాలాగే ఉంటాడు.
కోహ్లీ పంజాబీ మాట్లాడగలడా?
అవును. నేను పంజాబీ మాట్లాడగలను. పాటలు వింటాను.
కాగా, కోహ్లీ ప్రస్తుతం దక్షిణాఫ్రికా పర్యటనలో ఉన్నాడు. వన్డే కెప్టెన్సీ నుంచి వైదొలిగిన తర్వాత టెస్ట్ సారథిగా అతడికి ఇదే తొలి సిరీస్. సఫారీ గడ్డపై ఇంతవరకు భారత్ టెస్ట్ సిరీస్ గెలవలేదు. దీంతో ఈ సిరీస్లో టీమ్ఇండియాను గెలిపించి తానేంటో నిరూపించుకోవాలని పట్టుదలతో ఉన్నాడు.
ఇదీ చూడండి: Kohli Dravid Record: ద్రవిడ్ రికార్డుపై కన్నేసిన విరాట్
