పవర్ కపుల్ విరాట్, అనుష్కల గురించి ప్రత్యేకంగా చెప్పనక్కర్లేదు. ఈ క్యూట్ పెయిర్ ఏ వేదికపై కనిపించినా అభిమానులకు కన్నులపండుగగానే ఉంటుంది. అయితే ఇటీవల ఈ జంట ముంబయిలో జరిగిన ఓ కార్యక్రమానికి వచ్చి సందడి చేసింది. అభిమానుల కోసం రెడ్ కార్పెట్పై ఫొటోషూట్ చేసింది. ఇండియన్ స్పోర్ట్స్‌ ఆనర్స్ 2023 కార్యక్రమంలో పాల్గొన్న వీరిద్దరూ.. అందులో భాగంగా రెడ్ కార్పెట్పై జరిగిన రాపిడ్‌ ఫైర్ గేమ్ను ఆడారు. యాంకర్ అడిగిన ప్రశ్నలకు తమ స్ట్రైల్లో సమాధానాలు ఇచ్చారు. 'ఎవరు బాగా డ్యాన్స్ చేస్తారు' అని యాంకర్ అడిగిన ప్రశ్నకు సమాధానంగా వెంటనే కోహ్లీ వైపు చూపించింది అనుష్క. దీంతో కోహ్లీ ఆమె సమాధానానికి కోహ్లీ ఒక్కసారిగా షాక్ అయ్యాడు. అయితే ఈ ప్రశ్నకు కోహ్లీ కూడా సమాధానమిచ్చాడు.
"గతంలో ఏదైనా పార్టీకి వెళ్లి డ్రింక్ చేస్తే సరదాగా డ్యాన్స్ చేసేవాడిని. రెండు- మూడు పెగ్గులు వేసి డ్యాన్స్ మొదలుపెడితే అక్కడ ఎవరు ఉండకూడదనేలా చేస్తాను. అయితే ఆ విషయాన్ని నేను అంతగా పట్టించుకోను. నేను ఇప్పుడు మందు కూడా తాగడం మానేశా" అంటూ కూల్గా సమాధానమిచ్చారు కోహ్లీ. ఇటీవల నార్వేకు చెందిన 'క్విక్‌ స్టైల్' అనే డ్యాన్స్ గ్రూప్తో కోహ్లీ బ్యాట్‌ పట్టుకుని ఫ్రీ స్టైల్ డ్యాన్స్ చేశారు. ఆ వీడియో ప్రస్తుతం సోషల్ మీడియాలో వైరలవుతోంది.
ఇక మ్యాచ్ల విషయానికి వస్తే.. రానున్న ఐపీఎల్ కోసం జట్టులో పాల్గొన్న విరాట్.. ప్రస్తుతం ప్రాక్టీస్లో బిజీగా ఉన్నాడు. ఆస్ట్రేలియా పర్యటన ముగించుకున్న అతడు ఆదివారం రాయల్‌ ఛాలెంజర్స్‌ బెంగళూరు ఫ్రాంఛైజీ ఏర్పాటు చేసిన అన్‌బాక్స్‌ ఈవెంట్లో పాల్గొన్నాడు. ఈ సందర్భంగా ఆర్సీబీ తమ కొత్త జెర్సీని ఆవిష్కరించింది. ఈ కార్యక్రమంలో విరాట్తో పాటు మాజీ ప్లేయర్స్ క్రిస్‌ గేల్‌, ఏబీ డివిలియర్స్ పాల్గొని సందడి చేశారు. బెంగళూరులోని చిన్నస్వామి స్టేడియం వేదికగా ఏప్రిల్‌ 2న రాయల్‌ ఛాలెంజర్స్‌ బెంగళూరు తమ మొదటి మ్యాచ్ ఆడనుంది. ముంబయి ఇండియన్స్‌తో తలపడనుంది.
ఓ షాంఫూ యాడ్ షూటింగ్‌తో ఒకరికొకరు పరిచయమైన విరుష్క జంట.. ఆ తర్వాత స్నేహితులయ్యారు. కొన్నేళ్లకు ఆ స్నేహబంధం కాస్త ప్రేమగా మారింది. అలా 5-6 ఏళ్ల పాటు ప్రేమించుకున్న విరాట్ అనుష్క.. 2017 డిసెంబరులో ఏడడుగల బంధంతో ఒక్కటయ్యారు. ఈ జంటకు 2021లో వామికా అనే కుమార్తె జన్మించిది. ఇక విరాట్ క్రికెట్లో బిజీగా ఉండగా అనుష్క సైతం వరుస ఆఫర్లతో బిజీ బిజీగా ఉంటోంది.
