కర్ణాటక ప్రముఖ క్రికెటర్ బి. విజయ్కృష్ణ కన్నుమూశారు. గుండెపోటు కారణంగా గురువారం మృతి చెందినట్లు ఆయన కుటుంబ సభ్యులు తెలిపారు. పలు అనారోగ్య సమస్యలతో బాధపడుతున్న విజయ్.. రెండు రోజుల క్రితం ఆస్పత్రిలో చేరారు.
క్రికెట్లో 15 ఏళ్ల సుధీర్ఘ అనుభవం ఉన్న ఈ ఎడమచేతి వాటం క్రికెటర్.. 80 ఫస్ట్ క్లాస్ మ్యాచ్లు ఆడారు. 194 వికెట్లు తీసి.. 2,297 పరుగులు చేశారు. 1970-80లో కర్ణాటక జట్టుకు ఎన్నో విజయాలు అందించడంలో కీలక పాత్ర పోషించారు.
విజయ్ మృతిపై కర్ణాటక సీఎం యడియూరప్ప సంతాపం తెలియజేశారు. భారత మాజీ క్రికెటర్ సునీల్ జోషి కూడా దిగ్భ్రాంతి వ్యక్తం చేశారు.
