భారత్కు 2012లో అండర్-19 ప్రపంచకప్ అందించిన కెప్టెన్ ఉన్ముక్త్ చంద్.. క్రికెట్కు వీడ్కోలు పలికాడు. భారత్లో క్రికెట్ ఇకపై ఆడనని.. ప్రపంచవ్యాప్తంగా ఇతర అవకాశాల కోసం చూస్తానని స్పష్టం చేశాడు.
ఉన్ముక్త్ చంద్.. 2012లో టీమ్ ఇండియాకు అండర్-19 ప్రపంచకప్ అందించాడు. అప్పటి కెప్టెన్ అతడే.
ఫైనల్లో ఆస్ట్రేలియాపై అజేయ సెంచరీతో(111) విజయంలో కీలక పాత్ర వహించాడు. అయితే.. భారత జాతీయ జట్టుకు మాత్రం ఆడలేకపోయాడు. ఈ కారణంతోనే.. క్రికెట్ నుంచి తప్పుకొంటున్నట్లు ప్రకటించాడు.
కెరీర్లో 67 ఫస్ట్ క్లాస్ మ్యాచ్లు ఆడిన చంద్.. 31.57 సగటుతో 3379 పరుగులు చేశాడు. లిస్ట్-ఏ క్రికెట్లో 120 మ్యాచ్ల్లో 4505 స్కోరు నమోదు చేశాడు. 77 టీ20ల్లో 22 సగటుతో 1565 పరుగులు చేశాడు.
వీడ్కోలు ప్రకటనలో.. బీసీసీఐ, దిల్లీ క్రికెట్ సంఘానికి కృతజ్ఞతలు చెప్పాడు.
ఇదీ చూడండి: చెలరేగిన ఇంగ్లాండ్ బౌలర్లు.. లంచ్కు భారత్ 346/7
