Westindies Cricketers Corona: వెస్టిండీస్ క్రికెట్ జట్టులో కరోనా కలకలం రేపుతోంది. ఇప్పటికే ఆ జట్టులో నలుగురికి కరోనా సోకగా.. ఇప్పుడు మరో ఐదుగురు వైరస్ బారిన పడ్డారు. పాకిస్థాన్ పర్యటనలో ఉన్న వికెట్కీపర్-బ్యాటర్ షాయ్ హోప్, స్పిన్నర్ అకీల్ హోసేన్, ఆల్రౌండర్ జస్టిన్ గ్రీవ్స్ సహా సహాయక కోచ్ రాడీ ఎస్ట్విక్, జట్టు ఫిజీషియన్ డా.అక్షయ్ మాన్సింగ్కు వైరస్ సోకింది. పాక్ క్రికెట్ బోర్డు నిర్వహించిన తాజా పరీక్షల్లో వీరికి పాజిటివ్గా తేలింది.
దీంతో ఈ ముగ్గురు ప్లేయర్లు సహా సహాయక సిబ్బందిని ఐసొలేషన్కు పంపించినట్లు వెస్టిండీస్ క్రికెట్ బోర్డు తెలిపింది. వారిని వైద్యుల పర్యవేక్షణలో ఉంచినట్లు వెల్లడించింది. అంతకుముందు ఇదే జట్టులో ఉన్న రోష్టన్ ఛేజ్, షెల్డన్ కాట్రెల్, కైల్ మేయర్స్తో పాటు మరో సహాయక సిబ్బంది కరోనా బారిన పడ్డారు. దీంతో కరోనా బారిన పడిన విండీస్ క్రికెటర్ల సంఖ్య ఆరుకు చేరింది.
కాగా, గురువారం పాక్తో విండీస్ మూడో టీ20 ఆడనుంది. తొలి రెండు మ్యాచుల్లో పాక్ విజయం సాధించింది. ఆ తర్వాత ఇరు జట్లు మూడు వన్డేల్లో తలపడనున్నాయి.
ఇదీ చూడండి: Pat Cummins Covid: యాషెస్ రెండో టెస్టుకు కమిన్స్ దూరం.. కెప్టెన్గా స్మిత్
